Зэо зэутэкIыныгъэхэр зыщыкIорэ шъолъырхэм хэ­дзынхэр зэращырагъэкIо­кIыщтхэм къатегущыIагъ партиеу «Единэ Россием» игъэцэкIэкIо комитет ипащэ. Общественнэ палатэм зэзэгъыныгъэу «Шъыпкъагъэ зыхэлъ хэдзынхэм аде­тэгъаштэ» зыфиIорэм зыщыкIатхэхэр ары арэущтэу къызиIуагъэр.

[caption id="attachment_137652" align="aligncenter" width="800"] Сурэтыр: «Единэ Россием» ишъолъыр къутам.[/caption]

«НахьыбэрэмкIэ ар зыфэгъэхьыгъэр Луганскэ Народнэ Республикэм ит къэзэкъ уIэшыгъэ кIуачIэхэр, донецкэ отрядхэу «Сомали», «Пятнашка», Угледар дэжь щыIэ «Каскадыр» ары. Запорожье лъэныкъом — Токмак районымкIэ дзыгъэ Судоплатовым ибатальон, Херсон хэкумкIэ — Каховкэ иIэгъо-блэгъу щыIэ дзэкIолIхэр. ТыдэкIи хэдзынхэр щызэрагъэзэфэщтых, «Единэ Россием» ылъэныкъокIэ хэдзэкIо комиссиехэм ахэтыщт цIыфхэр дгъэнэфэщтых», — къыIотагъ Александр Сидякиным.

Шъугу къэдгъэкIыжьын, партиеу «Единэ Россием» «Шъыпкъагъэ зыхэлъ хэдзынхэм адетэгъаштэ» зыфиIорэ зэзэгъыныгъэр политическэ партие 15-мэ ыкIи УФ-м и Общественнэ палатэ адишIыгъ, адыкIэтхагъ. Ащ ишIуагъэкIэ хэ­дзынхэр хэбзэгъэуцугъэу щыIэм диштэу, хэдзакIохэм яфитыныгъэхэр къыдалъытэхэзэ, рагъэкIо­кIыщтых. Документым зэритхагъэмкIэ, хэбзэгъэуцугъэм зы партие текIыщтэп, лъыплъэн Iофыгъохэр ащ фэдэ лъапсэ ямыIэу зэхащэщтхэп.