Адыгэ Республикэм хэгъэгу кIоцI IофхэмкIэ и Мини­стерствэ иследственнэ гъэIорышIапIэ Мыекъуапэ щыщ хъулъфыгъэу илъэс 33-рэ зыныбжьым уголовнэ Iоф къыфызэIуихыгъ.

Хабзэ зэрэхъугъэу, ахэм нэбгырэ миллионым ехъу ахэлажьэ.

Урысыем и Уголовнэ кодекс ия 159-рэ статья ия 4-рэ Iахь зигугъу къы­шIырэ бзэджэшIагъэр зэ­рихьагъэкIэ, зэкъодзэн Iофхэр зэрихьэхэзэ, бюджет мылъкур къызфигъэфедагъэкIэ ар агъэмысэ.

Процессуальнэ унашъор аштэным лъапсэ фэхъу­гъэр Урысыем щынэгъончъэнымкIэ и Федеральнэ къулыкъу Адыгэ Респуб­ликэмкIэ игъэIорышIапIэ иIофышIэхэм къаугъоигъэ материалхэр ары.

Следствием зэригъэунэфыгъэмкIэ, предпринимательхэм IэпыIэгъу афэ­хъурэ организацием ипэщэ IэнатIэхэм ащыщ горэ зыIыгъыгъэ хъулъфыгъэм документ нэпцIхэр ыгъэ­хьазырхи, бюджет мылъкур иджыбэ рилъхьагъ.

Мыекъуапэ щыщ бзылъфыгъэу илъэс 35-рэ зыныбжьым, унэе предпринимателэу щытым истатус хъулъфыгъэм къыз­фигъэфеди, хъулъфыгъэм шъэфэу ащ счет къыфызэIуихыгъ, сомэ миллионым ехъоу ащ къихьагъэр зэрэфаеу зэригъэкIуагъ.

Уголовнэ Iофым изэхэфын джыри аухыгъэп.

Адыгэ Республикэм хэгъэгу кIоцI IофхэмкIэ и Министерствэ ипресс-къулыкъу