Адыгеим имэкъумэщ хъызмэтшIапIэу былымхъуным пылъхэм ахэм арагъэшхынэу бжыхьэ-кIымэфэ охътэ чъыIэм ящыкIэгъэщтыр, зэкI пIоми хъунэу, агъэхьазырыгъ. АР-м мэкъумэщ хъызмэтымкIэ и Министерствэ тызэрэщигъэгъозагъэм­кIэ, лэжьыгъэу Iуа­хыжьыгъэм тонн 36,9-рэ хашIыкIыгъ. Ар ящыкIагъэм нахьи процент 20-кIэ нахьыб. Мэ­къоу агъэхьазырыгъэр тонн 86,6-м ехъу, уарзэу тонн 26,2-рэ яI. Зы былымы­шъхьэм телъы­тагъэу къэпIон зыхъу- кIэ, центнер 21,6-рэ хъызмэтшIапIэхэм агъэхьазырыгъэу мэхъу. Ощх зыщыщымыIэ мэфэ фабэхэр мэкъумэщышIэхэм IофшIэнэу яIэм хагъэкIыным фэIорышIэх. Шапхъэхэм ади­штэрэ былымIус дэгъухэр агъэ­хьазырынхэм пае мэкъур зыха­шIы­кIыщтэу къэкIыгъэхэр зэрэшхъуан­тIэзэ аупкIэнхэм пылъых. Былымхъуным пылъ хъызмэт­шIэпIэ анахь инэу былымIусыр бэу зищыкIагъэхэм, «Колхоз Ленина», «Радуга», «Мирный Адыгея» зыфиIохэрэм, «Дондуковскэ элеваторым», Ю. Къ. ХъорэлIыр зипащэм, ащ игъэ­хьазы- рын пае ящыкIэгъэ техни­кэр икъоу зэраIэкIэлъыр министерствэм къыщыхагъэщыгъ. ЯщыкIагъэм ипроцент 92-р хьазыр. Былымхэм арагъэшхыщтым игъэхьазырын джыри аухыгъэп. Натрыфым, чIыплъым ягъо зыхъукIэ джыри силосрэ жомрэ ахашIыкIыщт. Ахэри хэхъожьыхэмэ, былымIус зэрэщымыкIэщтхэм Министерствэм къыщыкIагъэтхъыгъ. ХЪУТ Нэфсэт.