Адыгеим ипсэолъэшI отраслэ иIофышIэхэу ыкIи иветеранхэу лъытэныгъэ зыфэтшIыхэрэр!

Шъуисэнэхьат епхыгъэ мэфэ­кIым­кIэ тышъуфэгушIо!

Республи­кэмрэ хэгъэгумрэ яхэхъоныгъэкIэ мэхьанэшхо иIэу щыт Iофэу жъугъэцакIэрэм.

ЦIыфхэр зычIэсыщт унэхэм яшIынкIэ Адыгеир апэ ит шъолъыр­хэм зэрахалъытэрэм шъо шъуиIахьи хэлъ. Социальнэ мэхьанэ зиIэ псэолъакIэхэр ашIых ыкIи агъэ­кIэжьых, республикэм ипсэупIэхэм ятеплъэ нахьышIум ылъэныкъокIэ зызэблехъу, проектышхохэр зэшIо­хыгъэ мэхъух. А пстэуми амалы­шIухэр къатых республикэм иэкономикэ нахь зыкъыIэтынымкIэ.

ЗэкIэми инэу тышъуфэраз шъуи­IофшIэн шъузэрегугъурэм, кIэухы­шIухэм шъуакъыфэкIоным ренэу шъунаIэ зэрэтежъугъэтырэм апае. ТапэкIи гъэхъэгъэшIухэр шъушIынхэу шъуфэтэIо!

Ныбджэгъу лъапIэхэр, зэкIэми тышъуфэлъаIо псауныгъэ пытэ, щыIэкIэшIу шъуиIэнэу, шъуигухэлъ дахэхэр къыжъудэхъухэу бэрэ шъу­псэунэу!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъо­лъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр