«Единэ Россием» и «НыбжьыкIэ гвардиерэ» «Волонтерскэ ротэм­рэ» ахэт нэбгырэ мини 2,5-м ехъумэ шIушIэ Iофтхьабзэхэр шъо­лъырыкIэхэм ащызэрахьагъэх.

Волонтер отрядыкIэм нэбгыри 100 фэдиз хэт. «Гвардие ныбжьыкIэм» итхьаматэу Антон Демидовым къызэриIуагъэмкIэ, ахэр Херсон, Запорожскэ хэку­хэм, Мариуполь, Северодонецкэ, Лисичанскэ IэпыIэгъу афэ­хъущтых. «Херсон хэкум ичIыпIэхэу цIыфхэр пIалъэ горэкIэ зыдэщыIэхэм IэпыIэгъу щафэхъугъэ­ным, социальнэ псэуалъэхэр Мариуполь зыпкъ щигъэуцо­жьыгъэнхэм мэхьанэшхо ятэты. Мафэ къэс нэбгырэ 70-рэ ащ фэдэ Iофхэм ахэлажьэ. Мы Iо­фым зиIахь къыхэзылъхьэ зы­шIоигъохэм ялъэIу тхылъи 100 пчъагъэ тхьамафэ къэс къызэ­рэтахьылIэрэр хэзгъэунэфыкIы сшIоигъу», — къыIуагъ «Гвардие ныбжьыкIэм» итхьаматэ.

Антон Демидовым зэрилъы­тэрэмкIэ, волонтерхэм япчъагъэ шъолъырыкIэхэм ащыхэхъощт.

«ИлъэсыкIэ еджэгъур къэсын­кIэ бэп къэнэжьыгъэр. Арышъ, пэублэ классхэм арысхэм гурыт еджапIэм зыфагъэхьазырынымкIэ, сабыибэ зиIэ унагъохэу ЛНДР-м, Херсон, Запорожскэ хэкухэм ащыпсэухэрэм IэпыIэгъу тафэхъущт. ШIушIэ Iофтхьабзэу зетхьэрэм къыдыхэлъы­тагъэу шъолъырыкIэхэм арыс кIэлэцIыкIуи 100 пчъагъэмэ Iо­ныгъом и 1-м ехъулIэу еджапIэм щырящыкIэгъэщт пкъыгъо­хэр аIэкIэдгъэхьащтых», — къы­Iуагъ ащ.

«2022-рэ илъэсым гъэтхапэм и 30-м къыщегъэжьагъэу «Гвардие ныбжьыкIэм» хэтхэм шъо­лъырыкIэхэм арысхэм яшIуагъэ арагъэкIы. ДзэкъулыкъушIэхэм, Донбасс имедицинэ учреждениехэм ренэу IэпыIэгъу афэ­хъух. 2023-рэ илъэсым имэзае къыщегъэжьагъэу волонтерхэм Луганскэ идзэ госпиталь Iэпы­Iэгъу рагъэгъоты. Адыгеим ис волонтерхэм шIушIэ IэпыIэгъуми, тхылъхэм яугъоини яIахь хашIыхьэ, пIалъэ горэкIэ цIыф­хэр зыдащэгъэ чIыпIэхэм ащы­Iэхэм ящыкIэгъэ IэпыIэгъур арагъэгъоты», — къыIуагъ партиеу «Единэ Россием» и Генсовет хэтэу, къэлэ Ду­мэм иде­путатэу, Адыгеим и «Гвардие ныбжьыкIэ» ипащэу Бэрзэдж Асиет.