ДзэкIолIым ишIэжь агъэлъэпIагъ
[caption id="attachment_137258" align="aligncenter" width="800"] Росгвардием АР-мкIэ и ГъэIорышIапI.[/caption]
Росгвардием и ГъэIорышIапIэу Адыгеим щыIэм ихэушъхьафыкIыгъэ подразделениеу «Фыщтым» икъулыкъушIэхэр шIэжь зэхахьэм хэлэжьагъэх, полицием ипрапорщикэу 2012-рэ илъэсым ишышъхьэIу мазэ къулыкъу ыхьызэ фэхыгъэ Вячеслав Кравцовым ишIэжь агъэлъэпIагъ.
Росгвардейцэхэмрэ щымыIэжьым иIахьылхэмрэ Росгвардием иподразделение зыдэщыIэ чIыпIэм дэт мыжъосыным къэгъагъэхэр кIэралъхьагъэх ыкIи полицием ипрапорщикэу Вячеслав Кравцовым зы такъикъэ фэшъыгъуагъэх.
«Къулыкъур ахьызэ хэкIодэгъэ тиныбджэгъухэр тщымыгъупшэнхэр — тицIыфыгъэ нап. Вячеслав илIыхъужъныгъэ, ипсэемыблэжьныгъэ тищысэтехыпIэщт. Гъэ къэс ащ икъэ тыкъекIуалIэ, ишIэжь тэгъэлъапIэ. Тэ къыдгурэIо, тикъэралыгъо илIыхъужъхэр тыгу къэкIыжьыфэхэ ахэр псаум фэдэу тигъусэщтых», — къыIуагъ ОМОН-м ипащэу, полицием иполковникэу Юрий Юрченкэм.
Шъугу къэдгъэкIыжьын, полицием ипрапорщикэу Вячеслав Кравцовыр 2012-рэ илъэсым, шышъхьэIум и 5-м Республикэу Дагъыстан и Цунтинскэ район хэхьэрэ чылагъоу Шаури щыфэхыгъ. УIэшыгъэ бзэджашIэхэр ОМОН-р зыдэщыIэгъэ чIыпIэм къызытебанэхэм, ар къауIэгъагъ, ау ащ пае къымыгъанэу бзэджашIэхэу мэзымкIэ къикIыщтыгъэхэр отрядым къыригъэкIолIагъэхэп. Ипшъэрылъ ыгъэцакIэзэ лIыхъужъныгъэшхо къызэрэхэфагъэм фэшI Вячеслав Кравцовым ЛIыхъужъны-гъэм иорден (щымыIэжьэу) къыфагъэшъошагъ.