Адыгэ Республикэм ибзылъфыгъэ гандбол командэу «АГУ-Ады­ифым» къэбар жъугъэм иамалхэм ялIыкIохэм апае мы мафэхэм пресс-конференцие зэхищагъ. Iофтхьабзэр зыщыкIуагъэр АР-м физическэ культурэмкIэ ыкIи спортымкIэ и Комитет иконференц-зал ары.

ЗэIукIэгъум ипэублэ командэм итренер штабыкIэ къэзэрэугъоигъэхэр нэIуа­сэ фашIыгъэх. Мы илъэс ешIэгъум тренер шъхьаIэщт Наталья Дерепаскэр. Ар зэлъашIэрэ специалист, Словением щыщ. Урысыем ичемпионат хэлэжьэгъэ Китай икомандэу «Фениксым» итренерыгъ. Ащ ыпэкIэ Словением Iоф щи­шIагъ, командэу «Крим» зыфиIорэр ыгъасэщтыгъ, ащ игъусэу чемпионатым текIоныгъэр къыщыдихыгъ, къэралыгъом и Кубок къыхьыгъ. Тренер шъхьаIэм иIэ­пыIэгъущт Татьяна Березняк, ар илъэс пчъагъэхэм бзылъфыгъэ клуб анахь лъэшхэм ащыщэу «Ростов-Дон» зыфи­Iорэм иструктурэ хэтыгъ. Журналистхэм адыряIэгъэ зэIукIэгъур зезыщагъэр командэм игенеральнэ пэщакIэу Светлана Кожубековар ары.

Къэбар жъугъэм иамалхэм ялIыкIохэм упчIабэ къа­тыгъ, ахэр нахьыбэрэмкIэ зыфэгъэхьыгъагъэхэр командэхэм хэ­- ­ты­щт­хэр ары, мыгъэ ащ хэпшIыкIэу зэхъо­кIыныгъэхэр фэхъугъэх. Джащ фэдэу «АГУ-Адыифым» джырэблагъэ зэIукIэ­гъоу иIэщтхэм, пшъэры­лъэу зыфигъэуцу­- жьы­хэрэм журналистхэр ыгъэгумэкIы­гъэх, игъэкIотыгъэ джэуапхэри агъотыжьыгъэх.