Адыгеим зыщызгъэпсэфынэу къакIохэрэр нахьыбэмкIэ къыздикIхэрэр Краснодар краир, Ростов хэкур, Ставропольер арых. ЗэкIэми алъэгъу ашIоигъох Лэгъо-Нэкъэ тешъор, псыкъефэххэр, псыхъоу Шъхьэгуащэ, къушъхьэтIуакIэу Мышъэкъо, нэмыкI чIыпIэхэри.

[caption id="attachment_137202" align="aligncenter" width="800"] Сурэтыр:ЗэIухыгъэ къэбарлъыгъэIэс амалхэр[/caption]

Мы аужырэ илъэсхэм зекIо къытфакIохэрэм япчъагъэ хэп­шIыкIэу хэхъуагъ.

Зэфэхьысыжьэу ашIыгъэхэм къызэрагъэлъагъорэмкIэ, Адыгеир къэралыгъом ишъолъыритфэу цIыфхэр нахьыбэу къыздакIо хъугъэхэм ахалъытагъ. Анахьэу чIыопсым исаугъэтхэмрэ зынэсыгъое чIыпIэхэмрэ къэзыплъы­хьэ зышIоигъохэм япчъагъэ къыхэхъуагъ. Ахэм ащыщ зекIо лъагъоу «тридцаткэр», ащ къу­шъ­хьэхэм уахэтэу хыIушъом урещалIэ. Джащ фэ­дэу, къушъхьэ лъэгэ мылылъэ­хэм анэсынхэр, къакIухьанхэр, сурэтхэр зыщатырахынхэр бэмэ якIас.

Адыгеим нэмыкIэу зекIонымкIэ апэ ишъыгъэ субъектхэм ахалъытагъэх Дагъыстан, Темыр Осетиер, Республикэу Алтай ыкIи Карелиер.

Хъугъэ-шIэгъэ гъэшIэгъонхэм ыкIи чIыопсым ичIыпIэ дахэхэм нахьыбэмкIэ алъыхъухэрэр Мос­кварэ Московскэ хэкумрэ къарыкIыхэрэр ары.

Шъаукъо Аслъангуащ.