Уголовнэ Iофыр зэхафыгъ
Мыекъуапэ щыщ хъулъфыгъэу илъэс 48-рэ зыныбжьым къыфызэIуахыгъэ уголовнэ Iофыр Мыекъуапэ иполицие зэхифыгъ.
Телеграм-каналым иадминистратор Урысыем и Уголовнэ кодекс ия 163-рэ статья иа 1-рэ Iахь зигугъу къышIырэ бзэджэшIагъэр зэрихьагъэкIэ, ыгъэщынэзэ цIыфым ахъщэ къыIэкIихыгъэкIэ агъэмысэ.
2022-рэ илъэсым ибэдзэогъу Телеграм-каналым иадминистратор Мыекъуапэ щыщ хъулъфыгъэу илъэс 45-рэ зыныбжьым сомэ мин 30 къызыримытыкIэ ынапэ тезыхыщт къэбархэр мессенджерхэмрэ Интернетымрэ зэраригъэхьащтхэр риIуагъ.
ЩынэгъончъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ иIофышIэхэм мы хъулъфыгъэмкIэ материалэу къаугъоигъэхэр Мыекъуапэ иполицие IэкIагъэхьагъэх.
Уголовнэ Iофым изэхэфын аухыгъ. Уголовнэ Iофымрэ Мыекъуапэ ипрокуратурэ ащкIэ изэфэхьысыжьрэ Мыекъопэ къэлэ хьыкумыр ахэплъэнэу IэкIагъэхьагъэх.
Урысые Федерацием и Уголовнэ кодекс ия 163-рэ статья иа 1-рэ Iахь диштэу илъэси 4-м нэсэу хъулъфыгъэм хьапс тыралъхьан алъэкIыщт.
Адыгэ Республикэм и МВД ипресс-къулыкъу