АР-м хэдзынхэмкIэ и Гупчэ комиссие зичэзыу я XXIII-рэ зэхэсыгъо иIагъ. Iофтхьабзэр зэрищагъ Гупчэ комиссием итхьаматэу Сэмэгу Нурбый.

Зэхэсыгъом пстэумэ апэу Мыекъопэ районым ичIыпIэ хэдзыпIэ комиссие мэкъэтынымкIэ фи­тыныгъэ яIэу хэтыщтхэр щагъэнэфагъэх. ЦИК-м исекретарэу ХьэцIэцIэ Фа­тимэ зикандидатурэ къагъэлъэгъуагъэхэм нэ­Iуасэ афишIыгъэх. Тамара Гостищевар мы муниципальнэ образованием иадминистрацие гъэсэныгъэмкIэ и ГъэIорышIапIэ испециалист, Елена Чернышевар мы район дэдэм гъэсэ­ныгъэмкIэ и Гупчэу N 1-м щэлажьэ. ЦИК-м хэтхэм ахэм адырагъэштагъ.

Джащ фэдэу 2023-рэ илъэсэу тызхэтым иIо­ныгъо и 10-м щыIэщт хэдзынхэм электроннэ шIыкIэм тетэу бюллетеньхэр къэзылъытэрэ комплексхэр (КОИБ) ащыгъэфедэгъэнхэм тегущыIагъэх. Сэмэгу Нурбый къызэри­

IуагъэмкIэ, ащ фэдэ псэуа­лъэу зэкIэмкIи 25-рэ яI. Ахэм ащыщэу 4-р Мые­къопэ районым фэгъэзэгъэнэу, 12-р къалэу Мые­къуапэ щагъэфедэнэу зэ­даштагъ.

Шъугу къэдгъэкIыжьын, Iоныгъом и 10-м, мэкъэтынхэм я ЗыкI мафэ, Мыекъуапэ ыкIи Мыекъопэ районым народнэ депутатхэм яхэдзынхэр ащыкIощтых.

ХЪУТ Нэфсэт.