Псэушъхэ Iэлхэм яшэкIонхэ залъэкIыщтыр
ШышъхьэIум и 5-м къыщегъэжьагъэу къолэбзыухэмрэ лэучэцIхэмрэ яшэкIон фитхэу Адыгеим ихэбзэгъэуцугъэ щыгъэнэфагъ.
Адыгэ Республикэм ирайонхэм яшэкIо чIыпIэхэр ары зыщышэкIонхэ алъэкIыщтхэр.
2023-рэ илъэсым Iоныгъом и 15-м къыщегъэжьагъэу 2024-рэ илъэсым мэзаем и 29-м нэс Мыекъопэ, Шэуджэн, Кощхьэблэ районхэм тхьакIумкIыхьэхэмрэ баджэхэмрэ къащаушэкIун алъэкIыщт. Мыекъопэ районым щыпсэурэ пчэныфхэм зяшакIохэрэр чъэпыогъум и 1-м къыщегъэжьагъэу ары.
Адыгэ Республикэм и ЛIышъхьэ и Указ лэучэцI пчъагъэу къаушэкIун алъэкIыщтыр щыгъэнэфагъ. Пчэныфхэмрэ мышъэхэмрэкIэ квотэхэр щыIэх. ЛэучэцIхэмрэ къолэбзыухэмрэ яшэкIонхэмкIэ Iизын къаратыным зыщыкIэлъэIухэрэ тхылъыр ашъхьэкIэ арахьылIэн е къэралыгъо фэIо-фашIэхэм япорталкIэ аIэкIагъэхьан алъэкIыщт.