Урысыем имедиапроектэу «Тызэгъусэу Урысыем инеущырэ мафэ тэгъэпсы» зыфиIорэр шышъхьэIум и 7-м къыщыублагъэу и 11-м нэс рагъэкIокIыщт.

Урысыем псэолъэшIынымкIэ ыкIи псэупIэ-коммунальнэ хъызмэтымкIэ федерацием и Министерствэ яIэпыIэ­гъоу ыкIи псэолъэшI сэнэхьатыр ягъэшIэгъэн пшъэрылъыр агъэцакIэзэ, джащ фэдэу министерствэр зыщыIэр илъэсипшI зэрэхъугъэри къыдалъытэзэ, Урысые медиапроектэу «Тызэгъусэу Урысыем инеущырэ мафэ тэгъэпсы» зыфиIорэр агъэцакIэ.

ПсэолъэшIыным илъэныкъо зэфэ­шъхьафхэм хэхъоныгъэр ягъэшIыгъэнымкIэ упчIэу къэуцухэрэм зыщатегущыIэщтхэ площадкэу медиапроектыр хъунэу зэхэщакIомэ алъытэ. Ащ къэралыгъо хэбзэ къулыкъухэм ялIыкIохэр, бизнесым пылъхэр, къэбар жъугъэм иамалхэр ыкIи общественнэ Iофы­шIэхэр зэфищэщтых, къэралыгъом ипсэ­олъэшI комплекс хэхъо­ныгъэхэр ышIынхэм дэлэжьэщтых. Къэтынэу агъэхьазырыщтхэм ахэтыщтых зигъо Iофыгъо­хэмкIэ зэдэгущыIэгъухэр, экспертмэ зэIукIэу адашIыщтхэр. ПсэолъэшIыным епхыгъэ гумэкIыгъохэр зэрэдагъэзыжьыщтхэр, ыпэкIэ зэрэлъыкIотэщтхэр ары анахьэу зытегущыIэнхэу агъэнафэрэр.

Зэпыугъо имыIэу къэтынхэр сайтэу «строителироссии.рф». зыфиIорэм шы­шъхьэIум и 7-м къыщегъэжьагъэу и 11-м нэс щыкIощтых.

«Зэхэт лъэпкъ псэолъэшIхэр» зыфиIорэ Ассоциациер яIэпыIэгъоу медиапроектыр зэхащэ.

Нахь игъэкIотыгъэу медиапроектым икъэбар зэрытыр: строителироссии.рф.

Сурэтыр: зэIухыгъэ къэбарлъыгъэIэс амалхэр