Тайскэ боксымкIэ Уры­сыем ипер­вен­ствэ хэ­лэжьэгъэ Адыгеим испорт­сменкэу Мила­на Лапинам гъэхъэ­гъэ­шIу ышIын ылъэкIыгъ, ыпэ­кIэ къэгъэлъэ­гъонэу иIагъэм ри­гъэхъугъ.

БлэкIыгъэ илъэсым Нижний Новгород щыкIогъэ зэнэкъо­къум типшъашъэ ящэнэрэ чIыпIэр къыщыдихыгъ.

Тюмень щызэхащэгъэ Iофтхьабзэм Урысыем ишъолъыр 47-мэ къарыкIыгъэ спортсмен 500 фэдиз хэлэжьагъ. Илъэс 14 — 15 зыныбжьхэм ыкIи килограмм 71-м нэс къэзыщэчыхэрэм язэнэкъокъу Миланэ зыщиушэтыгъ.

Тренерэу Андрей Жевна ыгъэсэрэ пшъашъэм ухьазырыныгъэ дэгъу къыгъэлъэгъуагъ, текIоныгъэм фэбэнагъ. Ащ къыкIэлъыкIоу ятIонэрэ чIыпIэр къы­фагъэшъошагъ.

Спортсменкэмрэ тренерымрэ афэразэх зэнэкъокъум изыфэ­гъэхьазырынкIэ IэпыIэгъу къа­фэхъугъэхэ Адыгеим и ЛIышъхьэрэ спортымкIэ шъолъырым ипащэхэмрэ.