ПсынкIэу анэсыщт
АР-м псауныгъэр къэухъумэгъэнымкIэ и Министерствэ къызэритырэмкIэ, санитар авиацием ивертолет IэпыIэгъу псынкIэр цIыфхэм анигъэсыным фэшI иIофшIэн пидзэжьыгъ.
[caption id="attachment_137040" align="aligncenter" width="800"] ЗэIухыгъэ къэбарлъыгъэIэс амалхэр.[/caption]
Шъобж хьылъэ зыфэхъугъэ цIыфыр республикэ клиническэ сымэджэщым джырэблагъэ вертолеткIэ къынагъэсыгъ. Авиамедицинэ купым хэтхэм япшъэрылъхэр псынкIэу зэрэзэшIуахыгъэхэм ишIуагъэкIэ, шъобж зытещагъэр нахь хьылъэ мыхъузэ сымэджэщым къащагъ.
Медицинэ IэпыIэгъу псынкIэ зищыкIагъэхэр санитар авиацием иамалхэмкIэ зепщэнымкIэ вертолетым ыкIоцI ищыкIагъэр зэкIэ къыщыдэлъытагъ. Ошъогум ар етыфэ сымэджэщым ащэрэм изытет медицинэ IофышIэхэр зэпымыоу лъэплъэх. Санитар авиацием ишIуагъэкIэ охътэ кIэкIым цIыфыр сымэджэщым нэбгъэсын олъэкIы. ИпсауныгъэкIэ щынагъо щыIэ хъумэ, реанимацие Iофтхьабзэу ищыкIагъэр зэкIэ ащ щырашIэфынхэ амалхэр щыIэх.