Кавказ заповедникым и Мыекъопэ къутамэ иIофышIэхэм гъэмэфэ зыгъэпсэфыгъор етыфэ волонтерхэр къадэIэпыIэщтых, ащ пае ахэм волонтерым ипаспортхэр аратых.

Гъэмафэм ижъотыпI, ащ тефэу заповедникым мэзхэм ахэс псэушъхьэхэм япчъагъэ къалъытэ, зекIо лъагъохэр зэкIэ зэIухыгъэхэу мэлажьэх, специалистхэм цIыфхэм заIуагъакIэзэ, экологическэ шIэныгъэхэр арагъэгъоты.

Заповедникым Iофтхьабзэу щагъэцакIэхэрэм зэкIэми волонтерхэм яIахь хэлъ. Гъэмэфэ мафэхэм ахэм Лэ­гъо-Накъэ изыгъэпсэфыпIэ чIыпIэхэр бэрэ къакIухьэ, зекIохэм къагъэнэрэ пыдзафэхэр къаугъоих. БэмышIэу къэуцупIэу «Фыщт» дэкIуаехи, администрациер зычIэт унэр къагъэлагъ. ИщыкIагъэмэ, зекIо лъагъохэм атет мэкъэгъэIухэр агъэкIэжьых, кIымафэм шыхэм арагъэ­шхыщт Iусхэм ягъэхьазырын хэлажьэх.

Заповедникым экологическэ шIэныгъэхэмкIэ иметодистэу Валентина Куцаям волонтерхэр IэпыIэгъу къызэрафэхъухэрэм пае нэмыкI зекIохэм ялыягъэу, цIыфыIэ зынэмысыгъэ чIыпIэхэм арагъэплъых, мыщ инаучнэ IофышIэхэм аIуагъакIэх, тхылъыкIэхэм ялъэтегъэуцохэм ахагъэлажьэх.

НыбжьыкIэхэм анахь чанхэм волонтерым ипаспорт къараты, ащ фэдэ паспорт зиIэхэр рекреационнэ чIыпIэхэмрэ зекIо лъагъохэмрэ ыпкIэ хэмылъэу къыщакIухьанхэ фитыщтых.