Адыгэ къэралыгъо университетым и Мыекъопэ къэралыгъо гуманитар техническэ колледж илIыкIохэр федеральнэ проектэу «Профессионалитет» зыфиIорэм епхыгъэ семинар зэхэсыгъом хэлэжьагъэх.

[caption id="attachment_136947" align="aligncenter" width="800"] Сурэтыр: АКъУ.[/caption]

КIэлэцIыкIу гупчэу «Сме­на» зыфиIорэм ар щыкIуагъ. Урысыем ишъо­лъыр зэфэшъхьафхэм къарыкIыгъэ специалисти 100 фэдиз Iофтхьабзэм хэлэжьагъэх. Ахэр федеральнэ проектэу «Профессионалитет» зыфиIорэм хэщагъэх. Мэфэ заулэм къыкIоцI лъэныкъо зэфэшъхьафхэмкIэ ахэм яшIэныгъэхэм ахагъэхъуагъ. Анахьэу агу къинэжьы­гъэр УФ-м просвещениемкIэ иминистрэу Сергей Кравцовыр гущыIэгъу къазэ­рэ­фэхъугъэр ары.

Гурыт сэнэхьат гъэсэныгъэм хэхъоныгъэ егъэшIыгъэным мэхьэнэ ин зэриIэр зэIукIэгъум ми­нистрэм къыщиIуагъ, ащкIэ лъэныкъуакIэу щыIэхэм атегущыIагъэх. Куратор­хэм яIофшIэн зэрэзэхащэрэр «Профессионалитетым» епхыгъэу Iоф зэ­рашIэрэр къаIотагъ, колледжхэм ыкIи техникумхэм Iоф ащызышIэрэ психологхэр къэгущыIа­гъэх.— Непэрэ мафэм ехъу­лIэу я 9-рэ классыр къэзыухырэ кIэлэеджакIохэм япроцент 60-м гурыт сэнэхьат зэрагъэгъотынэу еджапIэм макIох. Нэбгырэ пэпчъ екIолIэкIэ гъэнэфагъэ ищыкIагъ, — къы-Iуагъ Сергей Кравцовым.

Семинар-зэхэсыгъом къыдыхэлъытагъэу колледжхэм ялIыкIохэр пат­риотическэ гъэсэныгъэм епхыгъэ лекциехэм ахэлэжьагъэх, джащ фэдэу ныбжьыкIэхэм, зипсауныгъэкIэ ауж къинэхэрэм Iоф зэрадэпшIэн фаем япхыгъэу егъэджэнхэр зэхащагъэх.