ТичIыпIэгъу лъапIэхэр!

Зи Хэкужъ къэзыгъэзэжьыгъэм и Мафэ фэшI тышъуфэгушIо!

Мы мафэр Адыгеимрэ Урысыемрэ ятарихъ хэхьэгъэ хъугъэ-шIэгъэшхом — илъэс 25-кIэ узэкIэIэ­бэжьмэ, Урысые Федерацием ипа­щэхэр IэпыIэгъу къафэхъухэзэ, автоном краеу Косовэ щыпсэущтыгъэ адыгэхэм яапэрэ куп 1998-рэ илъэсым шышъхьэIум и 1-м тарихъ чIыгужъым къызэращэжьыгъэм епхыгъ. Зао зыщыкIощтыгъэ Югославием тилъэпкъэгъухэр къищыжьыгъэнхэм джары ублапIэ фэхъугъэр.

Ятэжъ пIашъэхэм ячIыгужъ къэ­зыгъэзэжьыгъэхэм лъэныкъо пстэ­умкIи IэпыIэгъу арагъэгъотыгъ. Хэ­бзэ къулыкъухэми, общественнэ организациехэми, республикэм исхэми зи къызтырагъэнагъэп. ЛIэ­шIэгъу пчъагъэхэм хэбзэшIоу иIэ хъугъэхэм арыгъуазэзэ, чIыпIакIэм зыщызэтырагъэпсыхьанымкIэ Адыге­ир илъэпкъэгъухэм Iэпы­Iэгъу афэхъугъ.

Хэгъэгу зэфэшъхьафхэм къарыкIыжьыгъэхэм непэ чIыпIэ гъэнэфа­гъэ тиобществэ щаубытыгъ, гъэ­хъагъэ хэлъэу экономикэми, социальнэ лъэныкъоми Iоф ащашIэ, республикэмрэ хэгъэгумрэ яхэхъо­ныгъэ яIахь хашIыхьэ, IэкIыб къэралыгъохэм арыс адыгэхэм зэпхыныгъэу адытиIэм зырагъэушъомбгъу.

Адыгэхэр ятарихъ чIыгужъ джыри къызэрэкIожьыщтхэм, зи Хэкужъ къэзыгъэзэжьыгъэхэр щыIэкIэ-псэу­кIакIэм хэгъэгъозэжьыгъэнхэмкIэ ти­республикэ опытэу иIэр тапэкIи къызэрэшъхьапэщтым тицыхьэ телъ.

Адыгеим щыпсэухэрэми, IэкIыб къэралхэм арыс тилъэпкъэгъухэми псауныгъэ пытэ, щыIэкIэ-псэукIэ дэгъу яIэнэу, мамырэу псэунхэу, адыгэхэр зэрыс хэгъэгухэмрэ Урысыемрэ язэфыщытыкIэхэр нахьышIу зышIыщт Iофтхьабзэхэм гъэхъа­гъэ­хэр ащашIынэу тафэлъаIо!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэми Къэралыгъо Совет — Хасэми Тхьаматэу Владимир Нарожный