АР-м хэдзынхэмкIэ и Гупчэ комиссие тыгъуасэ я XXII-рэ зэхэсыгъо иIагъ. Ащ Iофыгъуи 2-мэ щатегущыIагъэх, унэшъо гъэнэфагъэхэр ашIыгъэх.

Iофтхьабзэр зыфэгъэхьыгъагъэр Мые­къопэ районым ичIыпIэ хэдзэкIо комиссие решающэ голосым ифитыныгъэ зиIэу хэтхэ Ольга Курибед ыкIи КIэрэщэ Хьазэртал япшъэрылъхэр къызэрагъэтIылъыжьыгъэр ары. Мыхэм ялъэIу тхылъ тетэу мэфи 10-м къыкIоцI ищыкIэгъэ унашъор аштэнэу щыт. Ащ диштэу комиссием хэтхэм зэдырагъаштэу амакъэ атыгъ. Мэфи 5 зытешIэкIэ, ахэм ачIыпIэ ихьащтхэм ятхылъхэр аштэнэу аублэщт.

АР-м хэдзынхэмкIэ и Гупчэ комиссие исекретарэу ХьацIэцIэ Фатимэ къызэриIуагъэмкIэ, Мыекъопэ районым джыдэдэм хэдзын кампании 2 щэкIо — Каменномостскэ къоджэ псэупIэм инароднэ депутатхэм я Совет идепутат ихэ­дзын­хэр ыкIи муниципальнэ образованиеу «Мыекъопэ район» зыфиIорэм идепутатхэм я Совет идепутат ихэдзын тедзэхэр. Iэшъынэ Сусан.