«ТНС энерго Кубань» зыфиIорэ компанием электроэнергиеу агъэфе­дэрэр зыфэдизыр къэзыгъэлъэгъорэ псэуалъэу унэхэм ащагъэуцугъэхэм Iоф зэрашIэрэм зыщыгъэгъозэгъэным епхыгъэ IофшIэнхэр ригъэжьагъэх. Краснодар краимрэ Адыгеимрэ ащ фэдэу счетчик мин 71-рэ ащауплъэ-кIущт. Подрядчикэу а пшъэрылъхэр зыгъэцакIэхэрэр «СпецЭкономЭнерго» зыфиIорэ организациер ары. УплъэкIунхэр зэрэзэхищэхэрэм цIыфхэмкIэ ыпкIэ хэлъэп. Счетчикхэр шапхъэхэм адештэхэмэ, тапэкIи бгъэфедэхэ хъущтмэ зэгъэшIэгъэныр ары пшъэрылъ шъхьаIэр. Специа­листхэм псэуалъэм Iоф зэришIэрэр, пломбэм изытет зэрагъэлъэгъущт, «поверкэр» игъом ашIыгъэмэ ауплъэкIущт. Электричествэу ыгъэфедагъэм ыпкIэ игъом зымытыгъэу, ар къызфызэты­рагъэуцуагъэхэм анахьэу анаIэ атырагъэтыщт. Шъугу къэтэгъэкIыжьы, подрядчикым иIофышIэу унэхэр къэзыкIухьэрэ пэпчъ цыхьэ къызэрэфашIырэр къэзыушы­хьатырэ тхылъыр(доверенность) ыIыгъ, QR-код зытет удостоверениер иджэнабгъэ хэгъэнагъ. Ащ телефоным хэт ка­мерэр тебгъэуцомэ, хъызмэтшIапIэу зыщылажьэрэр зэбгъэшIэн плъэкIыщт. УпчIэ зиIэхэр «СпецЭкономЭнерго» зыфиIорэ организацием «илиние плъыр», номерыр 8(800)700-58-49 е «ТНС энерго Кубаным» и ЗыкI контактнэ Гупчэ, 8(861)298-01-70, къытеонхэ алъэкIыщт.