Мэфэ фабэхэм цIыфхэм унэхэр зыгъэучъыIэтэрэ псэуалъэхэр нахьыбэу зэрэхагъанэхэрэм къыхэкIэу, электроэнергиер къэзытырэ оборудованиехэм атегъэуагъэр бэ хъугъэ.

Ащ фэшI Мые­къопэ электрическэ сетьхэм яIофышIэхэр къэлэдэсхэм са­къыныгъэ къызхагъэфэ­нэу къялъэIух.

Компанием ипресс-къулыкъу къызэ­ри­тыгъэмкIэ, электричествэм икIуапIэ­хэм, ар зэбгырызытIупщырэ пунктхэм атегъэуагъэ хъугъэр шапхъэхэм ягъунапкъэхэм благъэу якIолIагъэх. Ащ ыпкъ къикIэу оборудованиер зэщыкъоным е къэуцуным, цIыфхэм электроэнергие ямыIэу къыгъэнэнхэм ищынагъо щыIэ хъугъэ.

Ащ фэдэ Iофыгъо шъухэмыхьаным фэшI:

— электричествэкIэ Iоф зы­шIэрэ техникэу унэм итхэр зы уахътэм зэдыхэшъумыгъан;

— унэм шъукъекIымэ, светыр къэ­жъугъэкIуас, унэр къэзы­гъэучъыIэтэрэ псэуалъэхэр къыпышъухых;

— программэкIэ Iоф зышIэрэ техникэм чэщырэ Iоф ежъу­гъашIэмэ на­хьышIу;

— шъумыгъэфедэрэ техникэр электричествэм къыпышъух.