НыбжьыкIэхэм ягупчэ зычIэт унэу Мариуполь дэтым игъэцэкIэжьын «Единэ Россием» и «НыбжьыкIэ Гвардие» ыкIи ныбжьыкIэ общественнэ организациеу «Волонтерская Рота» зыфиIорэм ялIыкIохэр зэгъусэхэу хэлажьэх.

[caption id="attachment_136580" align="aligncenter" width="768"] «НыбжьыкIэ Гвардием» ихъарзынэщ[/caption]

Короленкэм ыцIэ зыхьыщтыгъэ гупчэ тхылъеджапIэр зычIэтыщтыгъэ унэр зызэтырагъэуцожьым, къалэм иныбжьыкIэ гупчэрэ мысатыушI организациехэм ягупчэрэ ащ къыщызэIуахыгъэх.

«Единэ Россием» ишъолъыр къутамэ и Совет хэтэу, ныбжьыкIэ купэу ащ хахьэрэм ипащэу Бэрзэдж Асиет къызэриIуагъэмкIэ, Адыгеим щызэхэщэгъэ «НыбжьыкIэ Гвардием» иныбжьыкIэ чанхэм ащыщэу Андрей Бовкун джыдэдэм Мариуполь щыIэу псэуалъэм изэтегъэуцожьын хэлажьэ. Урысыем къыхэхьажьыгъэ шъолъырыкIэмэ ащыкIорэ зэтегъэпсы­хьажьын Iофтхьэбзэ зэфэшъхьафхэм ныбжьыкIэхэр ахэлажьэх. Лисичанскэ, Северодонецкэ, Донецкэ адэт сымэджэщ­хэм ыкIи Луганскэ игоспиталь ащыкIорэ гъэцэкIэжьын IофшIэнхэр зэшIозыхыхэрэм ныбжьыкIэ гуфакIохэр бэу ахэтых.

Фэдэ IофшIэнхэм ублапIэ афэзышIыгъэу ыкIи гъунэ алъы­зыфэу Мариуполь имэрэу Олег Моргун ныбжьыкIэхэм яшIушIэ IофшIэн осэшхо фешIы. Сы­мэджэщхэм яIофышIэхэм зэрадеIэхэрэр, шIушIэ IэпыIэгъур зэбгырыщыгъэнымкIэ IэпыIэгъу зэрэхъухэрэр, кIэлэцIыкIухэм языгъэпсэфыгъо уахътэ зэхэщэгъэным, ежь-ежьырэу мызекIошъухэрэм УФ-м ипаспорт къафыдэхыгъэным ыкIи нэмыкI Iофтхьабзэ зэфэшъхьафхэм язэшIохынкIэ яшIуагъэу гуфа­кIохэм къагъакIорэр игъо шъып­къэу щыт.