Урысые политическэ партиеу «Единэ Россием» ипроектэу «Моя карьера с «Единой Россией» зыфиIорэм предпринимательхэр нэIуасэ зыщыфашIыгъэхэ Iофтхьабзэ Гупчэу «Мой бизнесым» щыкIуагъ.

[caption id="attachment_136577" align="aligncenter" width="800"] Сурэтыр: «Единэ Россием» и Адыгэ шъолъыр къутам.[/caption]

«Единэ Россиемрэ» УФ-м IофшIэнымкIэ ыкIи цIыфхэр социальнэу къэухъумэгъэнхэмкIэ и Министерствэрэ профсоюз ыкIи волонтер организациехэмрэ къыхагъэлажьэхэзэ, ар зэхагъэ­уцуагъ, партием илъэпкъ программэ илъэныкъоу «IофшIэн дэгъум унагъом игъот хегъахъо» зыфиIорэм къыдыхэлъытагъэу пхыращы.

2022-рэ илъэсым иIоныгъо мазэ рагъажьи, Калужскэ, Липецкэ, Рязанскэ хэкухэм, Камчатскэ краим, Республикэу Уд­муртием проектыр ащаушэтыгъ. А уахътэм мы шъолъырхэм Iофтхьэбзи 100-м ехъу ащы­кIуагъ, нэбгырэ мини 10-м къы­щымыкIэу ахэлэжьагъ.

Проектым къыдыхэлъытагъэу IофшIэпIэ чIыпIэхэм яермэлыкъ­хэр, профессиональнэ турхэр ныбжьыкIэхэм афызэхащэх, хъыз­мэтшIапIэхэр къарагъэкIухьэх. Джы ар Адыгеим щаублагъ. IофшIэпIэ чIыпIэ зищыкIагъэ­хэмрэ ахэр къэзытыхэрэмрэ апай мы проектыр къызфаугупшысыгъэр. ЦIыфэу IофшIапIэ лъыхъухэрэм экспертхэр, депутатхэр IэпыIэгъу афэхъух, хъызмэтшIапIэхэм зэдэгущыIэгъоу къащадашIыхэрэм адыхэлажьэх.

Джащ фэдэу IофшIапIэ зищыкIагъэхэр юристхэм рагъэбла­гъэх, зэдэгущыIэгъухэм ялъэ­хъан ифэшъуашэм тетэу джэуапхэр зэраратыжьыщтхэр, резюмехэр зэратхыщтхэр къафаIуатэ.

Проектэу «Моя карьера с «Единой Россией» зыфиIорэр IофшIэпIэ чIыпIэ зимыIэхэм, амытхыгъэу, гъэбылъыгъэкIэ Iоф зышIэхэрэм япчъагъэ нахь макIэ хъуным фэIорышIэ.