Джары ыцIэр «Единэ Россиер» кIэщакIо зыфэхъугъэ зэнэкъокъум.

[caption id="attachment_136574" align="aligncenter" width="800"] Сурэтыр: «Единэ Россием» и Адыгэ шъолъыр къутам.[/caption]

Ар Урысыем тыдэкIи щыкIощт. ПсэупIэхэм, чIыпIэхэм язэтегъэ­псыхьан ылъэныкъо щылажьэ­хэрэмрэ цIыфэу шъолъырхэм ащыпсэухэрэмрэ щагу анахь дахэхэр, анахь дагъухэр къыхахыщтых. Ащ хэлажьэ зышIоигъохэм ятхылъхэр интернет нэкIубгъоу moydom.er.ru зыфиIорэм чъэпы­огъум и 10-м нэс рагъэхьанхэ алъэкIыщт. Зэнэкъокъум илъэныкъоу «Щагу анахь дэгъу» зыфиIорэм щагу анахь зэтегъэ­псыхьагъэр къыщыхахыщт, цIы­фэу унэхэм ачIэсхэм ащ яIа­хьэу халъхьагъэм уасэ фа­шIыщт.

«Унэ анахь зэгурыIожь» зы­фи­Iорэ лъэныкъом цIыфхэм чаныгъэ къызэрэзыхагъэфагъэм ишIуагъэкIэ унэм Iофыгъоу иIагъэр дэгъэзыжьыгъэ зэрэхъу­гъэр къыщаIотэн фае. Лъэныкъохэу «ЧIэхьэпIэ анахь дэгъу» ыкIи «Энергиер анахь дэгъоу зыгъэфедэрэ ун» зыфиIохэрэм псэупIэ-коммунальнэ фэIо-фашIэхэм ауасэ нахь макIэ хъуным фэIорышIэгъэ унашъоу ашIыгъэхэм анахь дэгъур къащыхахыщт.

Бэдзэогъум и 10-м къыщыублагъэу шэкIогъум и 30-м нэс мэкъэтынхэр кIощтых. ТекIоныгъэр къыдэзыхыгъэхэр тыгъэгъэ­зэ мазэм агъэшIощтых.

Адыгеим мы зэнэкъокъур ятIонэрэ илъэс зэрэщыкIорэр. ЦIыфэу республикэм исхэмрэ партием исатырэ хэтхэу, ащ ипрограммэ къыдыхэлъытагъэу зэтырагъэпсыхьажьыгъэ чIыпIэхэм алъыплъэхэрэмрэ ащ чанэу къыхэлажьэх.