ХэкIыр зэрэIуащырэм ыпкIэ игъом зымытыгъэу чIыфэ зытелъхэм тазырэу арагъэтыщтыр бэдзэогъу мазэм пае квитан­циеу къафэкIощтхэм арытхэгъэщт.

«ЭкоЦентрэм» шъунаIэ ты­рышъуе­гъадзэ, 2023-рэ илъэсым ищылэ мазэ и 1-м къыщегъэжьагъэу зэтехьэгъэ чIыфэр ары тазырыр зытехъощтыр, нахьыпэкIэ зэIукIагъэр ащ къыдыхэ­лъытагъэп. ХэкIыр зэ­рэIуащырэм ыпкIэ цIыфым зыщитыгъагъэм ыуж мэфэ 31-рэ зытешIэкIэ, ащ къыкIэ­лъыкIорэ мафэхэм япчъагъэ елъытыгъэу тазырыр агъэпсы.

— Пыдзафэхэм ядэщын, нэмыкI Iофэу ахэм апылъхэм ахъщэ мымакIэу апэIохьэ. Компанием гъэстыныпхъэр, техни­кэр, контейнерхэр къещэфых, егъэу­цух, иIофышIэхэм лэжьа­пкIэ ареты. ЦIыфхэм игъом ыпкIэ къамытэу, чIыфэр бэу зэтехъомэ, компанием ежь ­имылъку къыхихынышъ, зищыкIагъэм пэIуигъэхьан фаеу мэхъу. Пыдзафэхэм ядэщынкIэ ащ иягъэ къэ­кIо. Арышъ, фэIо-фашIэхэр зыгъэфедэ­хэрэм игъом ахэм ауасэ къа­тыным пае тазыр афытедгъэхъон фаеу мэхъу, — къы­Iуагъ «Эко­Центрэм» и Адыгэ шъо­лъыр къутамэ ипащэу Алыбэрд Налбый.

ХэкIыр зэрэ­Iуащырэм ыпкIэ офисхэм ащыптын плъэкIыщт. Мары адресхэр: къалэу Мые­къуапэ, урамэу Пионерскэр 297, Адыгэкъалэ, урамэу Советскэр 2В, поселкэу Яблоновскэр, урамэу Школьнэр 10/1. Банкхэм якъу­тамэхэми ащыпIахыщт, ямобильнэ приложениехэр бгъэфедэхэми хъущт.

«ЭкоЦентрэм» и Адыгэ шъолъыр къутамэ ипресс-къулыкъу.