Мыекъопэ къэралыгъо технологическэ университетымрэ Донецкэ Народнэ Респуб­ли­кэм икъалэу Горловкэ и Донецкэ лъэпкъ техническэ уни­верситет и Автомобильнэ-гъогу институтымрэ зэрэзэдэлэжьэщтхэр къэзыушы­хьатрэ зэзэгъыныгъэм зэдыкIэтхагъэх.

[caption id="attachment_136418" align="aligncenter" width="800"] Сурэтыр: МКъТУ.[/caption]

Ар зыхъугъэр ДНР-м щыщхэу Мыекъопэ къэралыгъо технологическэ университетыр нахьы­жьэу къэзыухыгъэ студентхэм дипломхэр ятыжьыгъэным фэгъэхьыгъэ Iофтхьабзэр зыщырагъэкIокIырэ уахътэр ары.

[caption id="attachment_136419" align="aligncenter" width="800"] Сурэтыр: МКъТУ.[/caption]

Мы апшъэрэ еджэпIитIур экстернатым къыдыхэлъытагъэу 2018-рэ илъэсым къыщегъэжьагъэу зэдэлажьэх. ГъэсэныгъэмкIэ ыкIи шIэныгъэ-ушэтын Iоф­хэмкIэ кIэлэегъаджэхэмрэ сту­дентхэмрэ зыхахьэхэрэ про­фильнэ кафедрэхэм Iоф зэрэзэ­дашIэрэм шIуагъэ макIэп къы­тырэр. А уахътэм къыщегъэжьагъэу ДНР-м щыщ бакалаврэ ыкIи магистрэ 50-мэ Мыекъопэ къэралыгъо технологическэ уни­верситетым зэфэхьысыжь аттестациер щакIугъ. Мы илъэсым зэреджагъэхэм елъытыгъэу сту­дент-экстернэ нэбгырэ 11-мэ мэфэкI шIыкIэм тетэу дипломхэр аратыжьыгъэх.

Iофтхьабзэм хэлэжьагъэх МКъТУ-м егъэджэн IофхэмкIэ ипроректорэу Людмила Задорожнаяр ыкIи Автомобильнэ-­гъогу институтым менеджментымкIэ икафедрэ ипащэу Елена Мельниковар. Апшъэрэ еджапIэм къычIитIупщыхэрэм ахэр афэгушIуагъэх ыкIи ясэнэхьаткIэ хэхъоныгъэхэр ашIынхэу афэлъэIуагъэх.

Зэзэгъыныгъэу зэдыряIэм елъытыгъэу IофшIэнхэр агъэцэ­кIагъэх. Ащ хахьэщтыгъэх шIэныгъэ-практическэ конференциехэр регъэкIокIыгъэнхэр, тхылъхэр ыкIи монографиехэр зэхэтхэу къызэдыдагъэкIынхэр. МКъТУ-м игъэсэныгъэ программэ къыхиубытэрэр зэкIэ студентмэ агъэфедэн алъэкIы­щтыгъ, ау анахьэу ежьхэм къы­хахыгъэр менеджмент Iофым фэгъэхьыгъэр ары.

Донецкэ Народнэ Респуб-ли­кэр Урысыем къызыхэхьажьым ыуж зэзэгъыныгъэр агъэ­кIэжьыгъ, амалыкIэу щыIэ хъугъэхэм ялъытыгъэу хэхъоныгъэ­хэр фашIыжьыгъэх. 2028-рэ илъэсым нэс ащ кIуачIэ иIэщт.

МКъТУ-м ипресс-къулыкъу