Адыгэ Республикэм ишъолъыр апэрэ хэдыкIыгъэ картэр «ХэдыкIыгъэ Урысыер» зышъхьэ фестивалэу Чебо­ксары щыкIощтым ащагъ.

Iофтхьабзэр Чувашием шышъхьэIум и 17-м къыщыублагъэу и 21-м нэс щыкIощт. Къэралыгъом ишъолъырхэм зэкIэми ячIытххэр хэдыкIыгъэхэу ащ къыращэлIэщтых.

Шъугу къэдгъэкIыжьын, къэтэбэ уцышъошхом ды­шъэ ыкIи тыжьын Iуданэ­хэмкIэ тичIыгу ижъырэ пкъыгъохэу къычIахыгъэ­хэм ясурэтхэр, исп унэр, нартхэм ямыIэрысэ хьа­лэмэтхэр — гъэбэжъум инэпэеплъхэр — хэдыкIыгъэх.

ЧIытхым игъэхьазырын хэлэжьагъэх адыгэхэм ядышъэидэнкIэ тиIэпэIа­сэхэу Сетэ Сафиет, Гумэ Ларисэ, Джарымэкъо Зу­рет, Битэ Азэ, Мыгу Рузанэ, езыгъэжьэгъэкIэ IэпэIасэу Гумэ Русет.