Iофтхьабзэу «Донбасс пае тхылъхэр» зыфиIорэр респуб­ликэм щылъагъэкIуатэ.

Мыекъуапэ щыпсэухэ­рэм мафэ къэс партиеу «Единэ Россием» ишъо­лъыр общественнэ приемнэ ыкIи «НыбжьыкIэ Гвардием» и Шъолъыр штаб тхылъхэр къыра­хьылIэх. Ахэр Урысыем ишъолъырыкIэхэм афарагъащэх. Джы гуфакIохэм агъэхьазырыгъэ тхылъхэр Мариуполь афатIупщыщтых.

— УФ-м къыхагъэхьа­жьыгъэ шъолъырыкIэхэм IэпыIэгъу зэфэшъхьаф арагъэгъотыныр партиеу «Единэ Россием» инароднэ программэ изы Iахьэу щыт ыкIи ащ фэIорышIэрэ Iофтхьабзэхэр Адыгеим игвардейцэ ныбжьыкIэхэр тигъусэхэу зэпымыоу зэхэтэщэх. Iофтхьабзэу «Донбасс пае тхылъхэр» зыфиIорэр зырагъэжьа­гъэм къыщыублагъэу рес­публикэм тхылъ зэфэшъхьафэу мини 10-м ехъу щытыугъоигъ ыкIи афядгъэщагъ. ШIоигъоныгъэ зиIэ пстэури Iофтхьабзэм къыхэлэжьэнхэ алъэкIыщт. Тхылъхэр къызэшъухьылIэщтхэр партиеу «Единэ Россием» и Тхьаматэ и Шъолъыр общественнэ приемнэ е «НыбжьыкIэ Гвардием» и Шъолъыр штаб, адресыр къ. Мые­къуапэ, ур. Краснооктябрь­скэр, 4, — къыIуагъ Адыге­им и «НыбжьыкIэ Гвардие» ипащэу, «Единэ Россием» и Генеральнэ совет хэтэу, Мые­къуа­пэ инароднэ депутатхэм я Совет идепутатэу Бэр­зэдж Асиет.