Художественнэ творчествэмкIэ мастер-класс Адыгеим щызэхащэщт. Адыгэ Республикэм исурэт къэгъэлъэгъуа­пIэ къэлэ теплъэ зиIэ сурэт зышIы зышIоигъохэр зэкIэ бэдзэогъум и 26-м сыхьатыр 10-м пленэрым (жьы къабзэм хэтэу сурэт шIыгъэныр) хэлэжьэнхэу къырегъэблагъэх.

Мастер-классыр сурэт къэгъэлъэгъуа­пIэм щызэхэзыщэщтыр ренэу къэгъэлъэгъонхэм ахэлэжьэрэ Иваненко Светланэ Валентин ыпхъур ары. Изобразительнэ искусствэмкIэ ыкIи черчениемкIэ апшъэрэ квалификационнэ категорие зиIэ кIэлэегъаджэм къэлэ акварель пейзажхэм яшIынкIэ опытэу иIэмкIэ Iофтхьабзэм щадэгощэщт.

АР-м культурэмкIэ и Министерствэ къызэритыгъэмкIэ, сурэтшIынымкIэ ящы­кIэгъэщт пкъыгъохэр сурэт къэгъэ­лъэ­гъуапIэм къаритыщтых, ау фаехэм ежь яехэр къызфагъэфедэнхэ алъэ­кIыщт.