Экспортым IэпыIэгъу етыгъэнымкIэ АР-м и Гупчэ Адыгеим ыкIи Республикэу Беларусь япредпринимательхэм зэдэгущыIэгъухэр шышъхьэIу мазэм и 8 — 11-м афызэхищэщтых.

Бизнес цIыкIум ыкIи гурытым апылъэу, IэкIыбым зипродукцие зыгъакIо зышIоигъоу Адыгеим ит унэе хъызмэтшIапIэхэр ащ хэлэжьэнхэу къырегъэ­благъэх.

Республикэу Беларусь ипредпринимателэу къыхэлэжьэщтхэм бэдзэршIыпIэм илъэныкъоу Iоф зыщашIэхэрэр:

— щэпIэ зэхэтышхохэм (супермаркет) апае гъомылапхъэхэр; — пхъэм хэшIыкIыгъэу унэгъо псэуалъэхэм яшIын щагъэфедэхэрэр; — чъыг ыкIи къэгъэгъэ гъэтIысыжьхэр, чIыгоу ахэр къызщагъэкIыхэрэр, чIыгъэшIухэр.

Мы зыцIэ къетIуагъэхэм ащыщ IузыгъэкIырэ предпринимателэу Адыгеим исхэм Беларусь ибизнесменхэм зэдэгущыIэгъухэр адашIынхэмкIэ Гупчэр IэпыIэгъу афэхъущт.

Мыщ хэлажьэ зышIоигъохэм шышъхьэIум и 4-м шIомыкIэу лъэIу тхылъхэр бизнесым IэпыIэгъу етыгъэнымкIэ АР-м и Гупчэ къырахьылIэнхэ фае. Ащ испециалистэу ХъорэлI Мадина Арсланбек ыпхъур ары зэпхыныгъэ зыдыря­Iэщтыр. Ащ ителефон: 8(8772)57-97-90.