Адыгеим и Къэралыгъо автоинспекцие икъулыкъушIэхэм хьыкум приставхэм ялIыкIохэр ягъусэхэу пэшIорыгъэшъ Iофтхьабзэу «ЧIы­фэ зытелъыр» зыфиIорэр Джэджэ районым щырагъэкIокIыгъ.

[caption id="attachment_136180" align="aligncenter" width="800"] Сурэтыр: АР-м и Къэралыгъо инспекций[/caption]

Iофтхьабзэр мэкIофэ полицейскэхэм автомобилыр зезыфэхэрэр къыгъэуцухэзэ, зэдэгущыIэгъухэр адашIыгъэх. ГъогурыкIоным ылъэныкъокIэ административнэ тазырэу къатыралъхьэхэрэр игъом зэратыжьынхэ фаер, хэбзэгъэуцугъэм къыгъэнэфэрэ пIалъэм зышъхьа­дэкIыкIэ ахъщэ тедзэ зэрэтехъорэр агурагъэIуагъ.

ХэушъхьафыкIыгъэу водительхэм къа­фаIотагъэхэм ащыщ транспорт амалэу яIэхэм якъэбар игъом алъагъэIэсызэ ашIыныр ыкIи ежьхэм нахь Iэрыфэгъу афэхъуным пае тазырхэр къызэрыхьэрэ едзыгъор ямобильнэ телефонхэм атырагъэуцоныр.

Къагъэуцугъэ водительхэм чIыфэ ателъмэ хьыкум приставхэм ауплъэ­кIугъ. КIэуххэм къызэрагъэлъэгъуагъэмкIэ, автотранспорт 25-рэ хэбзэухъумакIохэм ауплъэкIугъ, ахэм ащыщэу 3-р агъэфедэн фимытхэу ашIыгъ. Нэбгыри 5-мэ административнэ тазырхэр атыжьынхэм пае хьыкум приставхэм я Федеральнэ къулыкъу ичIыпIэ къулыкъухэм якIолIэнхэм фэшI повесткэхэр аратыгъ, зы нэбгырэм нэмыкI мылъкоу иIэр ымыгъэфедэшъунэу ашIыгъ.