Адыгеимрэ Пшызэ шъолъыррэ ащыпсэурэ быслъымэнхэм я ДиндэлэжьапIэ илIыкIо купэу муфтиим игуадзэу Шъхьэлэхъо Ибрахьимэ зипэщагъэр бэдзэогъум и 8-м Абхъазым кIогъагъэ. Къалэу Гудаутэ дашIыхьащт мэщытым пае Адыгеимрэ Пшызэ шъолъыррэ ащыпсэурэ быслъымэнхэм къаугъоигъэ ахъщэр Абхъазым ис быслъымэнхэм я ДиндэлэжапIэ ипащэ зэIукIэм щыратыжьыгъагъ.

БэмышIэу Абхъазым имуфтиеу Тимур Дзыба Мыекъуапэ щыIагъ. Тимуфтиеу Къэрдэнэ Аскэрбый ащ пэгъокIыгъ. Адыгэ Республикэмрэ Пшызэ шъо­лъыррэ ащыпсэурэ быслъымэнхэм я ДиндэлэжьапIэрэ Абхъазым ис быслъымэнхэм я ДиндэлэжьапIэ- рэ зэдэлэжьэныгъэ зэрэзэдыряIэщтым ехьылIэ- гъэ зэзэгъыныгъэу зэдашIыгъэм диштэу тапэкIэ зыпылъыщтхэ Iофхэм лъэныкъохэр атегущыIагъэх.

Тимур Дзыба къызэриIуагъэмкIэ, Абхъазым ис быслъымэнхэм я ДиндэлэжьапIэ иадминистративнэ комплексэу къалэу Гудаутэ щагъэпсыщтым ыкIи мэщытыр зыхэтыщтым пае чIыгу Iахь Абхъа­зым иправительствэ къыхигъэкIыгъ. Мэщытым ишIын пэIухьащт мылъку джыри аугъои.