Гъэсэныгъэ тедзэм зырагъэушъомбгъу
2023-рэ илъэсым иIоныгъо мазэ и 1-м къыщегъэжьагъэу республикэм икIэлэеджакIохэм тхьамафэ къэс сэнэхьат зэфэшъхьафхэм нэIуасэ афэхъун амал яIэщт.
[caption id="attachment_136106" align="aligncenter" width="800"] Сурэтыр: Гъэсэныгъэ гупчэр.[/caption]
— Гурыт еджапIэ пэпчъ зыфэе лъэныкъор къыхихыщт. Я 6–рэ 11-рэ классхэм ащеджэхэрэм еджэгъу сыхьатхэм ямыпхыгъэу «Россия — мои горизонты» зыфиIорэмкIэ Iоф адашIэщт, — къыIуагъ Урысые Федерацием гъэсэныгъэмкIэ иминистрэу Сергей Кравцовым.
Адыгэ Республикэм мы аужырэ илъэсхэм проектэу «Билет в будущее» зыфиIорэр чанэу щызэхащэ ыкIи илъэсыкIэ еджэгъум ехъулIэу шэпхъакIэхэм- кIэ Iоф ашIэнэу загъэхьазыры.
Гуманитар проектхэмкIэ Фондымрэ «Билет в будущее» зыфиIорэ проектым АдыгеимкIэ ишъолъыр операторхэмрэ Iоф зэрэзэдашIэщтыр къэзыушыхьатырэ зэзэгъыныгъэм зэдыкIэтхагъэх. Проектыр республикэмкIэ лъызыгъэкIотэщтхэ шъолъыр операторхэр агъэнэфагъэх. 2023-рэ илъэсым республикэм ит гъэсэныгъэ организацие 77-рэ проектым хэхьагъ. КIэлэегъэджэ-навигатор 89-рэ агъэнэфагъ, ахэм онлайн шIыкIэм тетэу
Москва яшIэныгъэхэм ащыхагъэхъуагъ. ЕджапIэ пэпчъ кIэлэеджакIохэм Iоф зыщашIэщт кабинетхэм ягъэпсын епхыгъэ план агъэуцугъ.
Проектым кIэлэеджакIохэм ямызакъоу, ны-тыхэри хэлэжьэнхэ алъэкIыщт. Ащ пае сайтэу bvbinfo.ru зыфиIорэм зыщатхын фае.
АР-м кIэлэцIыкIухэм гъэсэныгъэ тедзэ ягъэгъотыгъэнымкIэ и Гупч.