Урысыем и Следственнэ комитет иследственнэ ГъэIорышIапIэу АР-м щыIэр илъэс 67-рэ зыныбжь хъулъфыгъэу Мыекъопэ районым ит станицэу Новосвободнэм щыпсэурэм ылъэныкъокIэ къызэ­Iуахыгъэ уголовнэ Iофым хэплъагъ. УкIыгъэ бзэджэшIагъэ зэрэзэрихьагъэм фэшI ар агъэмысэ.

[caption id="attachment_136098" align="aligncenter" width="800"] Следственнэ ГъэIорышIапIэм ипресс-къулыкъу.[/caption]

Следствием зэригъэунэфы­гъэмкIэ, 2023-рэ илъэсым мэлылъфэгъум станицэу Новосвободнэм щыщ хъулъфыгъэр ешъуагъэу ищагу дэсэу инэIосэ хъулъфыгъэу игъусагъэм, ащ илъэс 40 ыныбжь, фэгубжи, мыжъомкIэ гъогогъу пчъагъэрэ ышъхьэ еуагъ. Шъобжэу тещагъэ­хэм апкъ къикIыкIэ хъулъфы­гъэм а чIыпIэм идунай щихъожьыгъ.

Мы уголовнэ IофымкIэ экспертизэ пчъагъэ ашIыгъ, ахэм зэфэхьысыжьэу афэхъугъэхэм хъулъфыгъэм лажьэ зэриIэр къагъэшъыпкъэжьыгъ. УкIыгъэ бзэджэшIагъэр зызэрихьэгъэ нэуж хъулъфыгъэм ыIэхъуамбэхэм ащыщ лъыр къытенагъэу кIэрылъыгъ. ЫукIыгъэ хъулъфыгъэм ар иеу экспертизэм къыгъэлъэгъуагъ.

Уголовнэ Iофым изэхэфынкIэ следствием къыугъоигъэ материалэу Мыекъопэ районым ипрокурор ыухэсыгъэр хьыкумым фагъэхьыгъ.

Урысыем и Следственнэ комитет иследственнэ ГъэIорышIапIэу Адыгэ Республикэм щыIэм ипресс-къулыкъу.