НыбжьыкIэхэм я Мафэ ехъулIэу хьыкум приставхэм я Федеральнэ къулыкъу Адыгэ РеспубликэмкIэ и ГъэIорышIапIэ НыбжьыкIэ совет щызэхащагъ. Ащ хагъэхьагъэхэр ГъэIорышIапIэм иIофышIэ анахь хъупхъэхэу зыныбжь илъэс 35-м нэмысыгъэхэр ары.

НыбжьыкIэ советыр анахьэу зыфэгъэзэгъэщтыр ныбжьыкIэ политикэр ГъэIорышIапIэм нахьышIоу щыпхырыщыгъэныр, пэщэныгъэ зезыхьэрэ ныбжьыкIэхэм яамалхэм зыкъызэIуягъэхыгъэныр, къэ­ралыгъо къулыкъум ахэр кIэгъэгушIугъэнхэр ары.

Мы советым ипшъэрылъхэм ахэхьэ IофышIэ ныбжьыкIэхэр коллективым хэгъэзэгъэнхэм, ахэм ячаныгъэрэ яIэпэIэсэныгъэрэ зыкъягъэIэтыгъэным яамалхэр зехьэгъэнхэр.