Художественнэ гъэсэныгъэм зегъэушъомбгъугъэным, хэхъоныгъэхэр ышIынхэм ыкIи искусствэмкIэ кIэлэцIыкIу еджапIэхэм ачIэсхэм IэпыIэгъу афэхъугъэным пае илъэс къэс зэхащэрэ Урысые зэнэкъокъоу «Молодые дарования России–2023» зыфиIорэм изэфэхьысыжьхэр къэнэфагъэх.

[caption id="attachment_135858" align="aligncenter" width="800"] В. Смирновар[/caption]

Илъэс 13-м къыщегъэжьагъэу 19-м нэс зыныбжьхэр ары ащ хэлэжьагъэхэр, уцугъуищэу зэ­теутыгъэу ар кIуагъэ.

[caption id="attachment_135857" align="aligncenter" width="800"] Д. Евсинар[/caption]

ИскусствэхэмкIэ кIэлэцIыкIу еджапIэхэм якIэлэеджакIохэу ыкIи Адыгэ Республикэм искусствэхэмкIэ иколледжэу Тхьабысымэ Умарэ ыцIэ зыхьырэм истудентхэу зэнэкъокъум хэлажьэхэрэр илъэс къэс нахьыбэ мэхъух. 2023-рэ илъэсым кIэлэеджэкIо 14-рэ студенти 2-рэ ащ хэлэжьагъ, ятIонэрэ уцугъом нэбгыри 9 пхырыкIыгъ ыкIи ахэм ащыщэу нэбгырищымэ текIоныгъэ къыдахыгъ. Ящэнэрэ шъуашэ зиIэ диплом­хэр къафагъэшъошагъэх искусствэхэмкIэ кIэлэцIыкIу еджапIэу N 1-м ия 6-рэ класс щеджэрэ Вероника Смирновам, Адыгэ Республикэм искусствэхэмкIэ икIэлэцIыкIу еджапIэу Лъэцэрыкъо Кимэ ыцIэ зыхьырэм ия 5-рэ класс ис Дана Евсинам, Адыгэ Респуб­ликэм искусствэхэмкIэ иколледжэу Тхьабысымэ Умарэ ыцIэ зыхьырэм ия 3-рэ курс щеджэрэ Софья Джа­паридзе.

[caption id="attachment_135860" align="aligncenter" width="800"] С. Джапаридзе[/caption]

Московскэ консерваторием епхыгъэ Академическэ музыкальнэ училищэу П.И. Чайковскэм ыцIэ зыхьырэр Iофтхьабзэм кIэщакIо фэхъугъ. АР-м культурэмкIэ и Министерствэ ыкIи искусствэхэмкIэ кIэлэцIыкIу еджапIэу N 1-м и Методическэ гупчэ шъолъыр зэнэкъо­къур зэхащагъ.