Станицэу Джаджэмрэ селоу Штурбинэмрэ зэзыпхыхэрэ автомобиль гъогум иIахьэу километри 2,2-рэ хъурэр «Щынэгъончъэ ыкIи шэпхъэшIухэм адиштэрэ автомобиль гъогухэр» зыфиIорэ лъэпкъ проектым къыщыдэлъытагъэу агъэцэкIэжьыгъ.

ПстэумкIи сомэ миллион 27,9-рэ гъогум рашIылIэгъэ IофшIэнхэм апэIухьагъ. Шэуджэн районым игъогушI хъызмэтшIапI ащ Iоф щызышIагъэр.

Мы гъогум пэIутых къутырхэу Дукмасовыр, Мокроназаровыр, Тихоновыр ыкIи Мамацевыр. Ащ фэдэу къоджэдэсхэм агъэфедэрэ автомобиль гъогухэр федеральнэ шапхъэхэм адиштэу шIыгъэнхэр ары лъэпкъ проектым пшъэрылъ шъхьаIэу иIэр. Шъолъыр мэхьанэ зиIэ гъогум иIахьэу агъэкIэжьыгъэм ар джыри зэ къеушыхьатыжьы.

[caption id="attachment_135768" align="aligncenter" width="571"] Адыгеяавтодор.[/caption]

IофшIэнхэр зэшIозыхыгъэ гъогушI хъызмэтшIапIэм имастерэу ЛIэхъусэжъ Заур къызэрэтфиIотагъэмкIэ, техникэ зэфэшъхьаф 15 IофшIэнхэм ахагъэлэ­жьагъ. ЫпэрапшIэу жъы хъугъэ асфальтыр тырахыгъ, етIанэ гъогур зэщиз ашIи, кIэу тыралъхьагъ. Ахэм ауж гъогубгъухэр зэрагъэфагъэх, тамыгъэхэр тырагъэ­уцуагъэх. Къэнэжьыгъэр зыщищыкIагъэм щагъэтхъыжьынхэр ары.

IофшIэнэу проектым къыщыдэлъытэгъагъэр зэкIэ зэшIохыгъэ хъумэ, лабораторием ыуплъэкIунышъ, уасэ къыфишIыщт.