Лъэпкъ Iофыгъохэр — дунэе мэхьанэ яIэу
Дунэе Адыгэ Хасэм и ГъэцэкIэкIо куп изэхэсыгъо непэ Мыекъуапэ щыкIощт. Ащ хэтхэр республикэм икъэлэ шъхьаIэ тыгъуасэ къеблэгъагъэх, зэхэсыгъом изыфэгъэ- хьазырын тегъэпсыхьэгъэ зэхэгущыIэжь зэIукIэ яIагъ.
[caption id="attachment_135610" align="aligncenter" width="800"] А. Лаутеншлегер.[/caption]
Непэ зытегущыIэнхэу агъэнэфэрэ Iофыгъохэр мыщ фэдэх: Дунэе Адыгэ Хасэм мы илъэсым имэзихэу пыкIыгъэм Iофэу зэшIуихыгъэр ащ итхьаматэу Сэхъурэкъо Хьаути къыIотэщт, республикэ Адыгэ Хасэм иIофшIэн къытегущыIэщт ащ ипащэу ЛIымыщэкъо Рэмэзан, лъэныкъо зэфэшъхьафхэм афэгъэзэгъэ комитетхэм мэзих зэфэхьысыжьхэр джащ фэдэу япащэхэм къашIыщтых, адыгабзэм изэгъэшIэн, ар къызэтегъэнэгъэным иIофыгъо къыщаIэтыщт, ДАХ-м изимычэзыу Конгрессэу бжыхьэм щыIэщтым изэхэщэн Iофыгъохэм, ДАХ-м и Устав зэхъокIыныгъэхэр фэшIыгъэнхэм, адыгэм и Мафэ мы илъэсым иIоныгъо мазэ Урысыем ыкIи IэкIыбым зэращыхагъэунэфыкIыщтым, нэмыкIхэм атегущыIэщтых.
Зэхэсыгъор непэ сыхьатыр 12-м рагъэжьэщт, ар зэрэкIуагъэм, унашъоу щашIыгъэхэм афэгъэхьыгъэ къэбарыр тикъыкIэлъыкIорэ къыдэкIыгъохэм арыжъугъотэщт.