Красногвардейскэ районымкIэ къуаджэу Джамбэчые адыгабзэм икIэмгуе диалект изэгъэшIэн фэгъэзэгъэ научнэ-ушэтэкIо экспедицием тхьамэфитIо Iоф щишIэщт.

КIэмгуе диалектыр зы­Iулъхэр зыхэлэжьэрэ ащ фэдэ ушэтыныр апэрэу дунаим щызэхащэ.

Лъэпкъ университетэу «Экономикэм иапшъэрэ еджапI» зыфиIорэм бзэмкIэ и Гупчэрэ Адыгэ къэ­ралыгъо университетым экспериментальнэ линг­вистикэмкIэ и Лабораториерэ зэдэлэжьэныгъэу зэдыряIэм мыщ фэдэ экс­педициер къыкIэкIуагъ.

— Ушэтыныр рагъэжьэным ыпэкIэ ащ хэлэжьэщтхэм шапхъэу зэрыгъо­зэнхэ фаехэр къафаIотагъ. Ушэтыным хэла­жьэхэрэм пшъэрылъэу яIэр урысыбзэкIэ ыкIи адыгабзэкIэ тхыгъэ гущы­Iэухыгъэхэм къяджэнхэр, ахэм купкIэу яIэмкIэ уп­чIэхэм джэуап къаратыжьыныр ары. ЯтIонэрэ чэзыум ныдэлъфыбзэр зэрашIэрэр зэтэгъашIэ, тест зэфэшъхьафхэр ятэгъэкIу, — къыIуагъ ­Адыгэ къэралыгъо университетым экспериментальнэ лингвистикэмкIэ и Лабораторие ипащэу Сусанна Макеровам.

ТхьамэфитIо щыIэщт ушэтынхэм бзитIу зыIулъ нэбгыри 150-рэ фэдиз ахэлэжьэщт. Материалэу къаIэкIахьэхэрэр научнэ IофшIагъэхэмрэ медицинэ методикэхэмрэ лъапсэ афэхъущтых. Шъугу къэтэгъэкIыжьы программэу «Приоритет 2030» зыфиIорэм къыдыхэлъыта­гъэу экспериментальнэ лингвистикэмкIэ Лабораториер 2023-рэ илъэсым Адыгэ къэралыгъо уни­верситетым къызэрэщызэIуахыгъэр.