Къэгъэгъэ дэхэ пстэоу щыIэхэм ащыщых розэхэр. Паркэу «Южные культуры» зыфиIорэр ахэмкIэ агъэкIэжьынэу зырагъэжьагъэр илъэситIу хъугъэ.

[caption id="attachment_135395" align="aligncenter" width="800"] зэIухыгъэ къэбарлъыгъэIэс амалхэр.[/caption]

ЫпэрапшIэу паркым иIофышIэхэр Никитинскэ ботаническэ чъыгхатэм агъэ­кIогъагъэх, икIэрыкIэу агъэтIысыжьыщт розэ лъэпкъхэр къыхахыгъэх, ахэр зэкIэ тихэгъэгу ис ыкIи европейскэ селекционерхэм Iоф зыдашIагъэхэм ащыщых. ЦIэ гъэшIэгъонхэр яIэх: «Плум», «Чарминг Пиано», «Моника Беллучи», нэмыкIхэри.

Розэхэр къызщагъэкIыщтыгъэ чIыпIэхэм IофшIэнхэр ащэкIох, ахэм псыр къаращалIэ, чIыопсыр къякIумэ ауплъэкIу. Парк хъызмэтым иинженерэу Оксана Тимченкэм къыIотагъ квадрат метрэ 600-м ехъумэ къэгъагъэхэр зэращагъэтIысхьащтхэр. Мы лъэхъаным паркым къакIохэрэм розэ лъэпкъ 80-м фэдизмэ ядэхагъэ алъэгъу, мэ IэшIоу къапихырэр зэхашIэ. Къэгъэгъэ хьасэхэм ягъэ­кIэжьынкIэ IофшIэнхэр къэкIорэ гъатхэм нэс аухынэу мэгугъэх.

(Тикорр.).