Кавказ биосфернэ заповедникым изекIо лъагъохэм ащыщэу мыгъэ апэу къызэIуахыгъагъэхэр я 8а-р ыкIи я 13-рэ маршрутхэм ащыщ Iахьхэр ары. Нэужым лъагъохэр агъэкъэбзагъэх, чъыг къутамэхэр атырахыгъэх, уащызекIонкIэ щынэгъончъэу агъэхьазырыгъэх.

[caption id="attachment_135388" align="aligncenter" width="800"]  зэIухыгъэ къэбарлъыгъэIэс амалхэр.[/caption]

Мы уахътэм лъагъоу 8а-м хыкъумэу Холоднэм Ачепсинскэ псыкъефэххэм гупсэфэу уарищэлIэщт. ЗыгъэпсэфыпIэу «Холоднэм» чэщыр щипхын плъэ­кIыщт. Ахэм афэшъхьафэу гъэ­мэфэ зыгъэпсэфыгъор екIыфэкIэ зекIохэм агъэфедэнхэу къушъхьэ маршрутхэр бэу зэтырагъэпсы­хьагъэх.

Ахэм ащыщых лъагъохэу N 8-р — зэпырыкIыпIэу АйшхэкIэ хы ШIуцIэм уезыщалIэрэр, N 9-р — Энгельмановэ гъэхъу­нэмрэ хыкъумэу Кардывачрэ, N 30-р Фыщт къэуцупIэмкIэ хым узэрэкIорэр, N 30в-р — хыкъу­мэу Псынэдахэ, къэуцупIэу Фыщт, N 30г-р — чIыпIэхэу Узуруб, къэуцупIэу Фыщт, нэмыкIхэми узэранэсыщтыр.

Къушъхьэ лъагэхэм осыр зэрателъым ыкIи ом изытет зы­фэдэм апае джыри зекIо лъагъохэр зэкIэ къызэIуахыгъэ­хэп. Ахэм я 11-рэ ыкIи я 12-рэ маршрутхэр ахэхьэх. Джащ фэдэу джыри къызэIуамыхыгъа­хэхэри, икъоу амытIупщыгъэ маршрутхэм ахэтых. Заповедникым испециалистхэм ахэм зыгъэпсэфакIохэм къыщакIухьэу зырагъэжьэн алъэкIыщт уахътэмкIэ макъэ къагъэIущт.

(Тикорр.).