Къоджэ псэупIэхэм Iоф ащызышIэщт врач 12-мэ ыкIи медицинэ IофышIи 6-мэ ахъщэ тынхэр аратыщтых. [caption id="attachment_135333" align="aligncenter" width="470"] ЗэIухыгъэ къэбарлъыгъэIэс амалхэр.[/caption]

Адыгеим медицинэ Iофы­шIэхэр зэрэщимыкъухэрэр дэгъэзыжьыгъэным фэшI программэхэу «Къоджэ доктор» ыкIи «Къоджэ фельдшер» зыфи­Iохэрэр республикэм щыпхыращых. Ахэм яшIуагъэкIэ нэбгырэ мин 50-м емыхъоу зыщыпсэурэ къоджэ псэупIэхэм IофышIэ кIохэрэм зэтыгъо ахъщэ тынхэр аратыщтых.

АР-м псауныгъэр къэухъу­мэгъэнымкIэ и Министерствэ къызэритыгъэмкIэ, мы илъэсым врач 12-мэ ыкIи гурыт меди- цинэ IофышIэ нэбгыри 6-мэ хэгъэхъуагъэу ахъщэ тынхэр аIукIэщтых. Сомэ миллион — врачхэм, сомэ мин 500 – фельдшерхэм, фельдшер-мамыку пунктым Iоф щызышIэщт акушеркэхэм ыкIи медицинэ сес­трахэм. Къыхэхъуагъэу ахъщэ тыныр зыIукIэщтхэр чыжьэу пэIудзыгъэ ыкIи якIолIэгъуаеу щыт къоджэ псэупIэхэм Iоф ащызышIэщтхэр ары. Ащ фэдэ чIыпIэ 39-рэ агъэнэфагъ. Врач­хэм — сомэ миллион 1,5-рэ ыкIи сомэ мин 750-рэ фельдшерхэм, акушеркэхэм, медсестрахэм.

Джащ фэдэу 2023-рэ илъэ- сым Урысыем псауныгъэр къэ­ухъумэгъэнымкIэ и Министерствэ специалист программэмкIэ еджапIэхэм ачIэхьанхэм фэшI чIыпIи 136-рэ къафыхигъэкIыгъ, нахьыбэр Iэзэн Iофыр — 81-рэ ыкIи педиатриер — 44-рэ.