Орденэу «За заслуги перед Отечеством» зыфиIорэм ия IV-рэ шъуашэ къыфагъэшъошагъ тичIыгогъоу КIэрэщэ Аслъанбэч. Ащ фэгъэхьыгъэ унашъом кIэтхагъ УФ-м и Президентэу Владимир Путиныр.

[caption id="attachment_135265" align="aligncenter" width="800"] КъТРК-у «Волгоград-ТрВ».[/caption]

Ащ къызэрэщиIорэмкIэ, телевидениемрэ радиомрэ яхэхъоныгъэ тегъэпсыхьагъэу Iофэу зэшIуихыгъэм, джащ фэдэу илъэсыбэрэ гъэхъагъэхэр ышIыхэзэ зэрэ­лэжьагъэм апае тыныр къыфагъэшъошагъ.

Къэралыгъо телерадиокомпаниеу «Волгоград-ТВ» зыфиIорэм ипащэ Адыгеим ицIыф пэрытхэм, гъэхъа­гъэхэр зышIыгъэхэм ясатырэ хэт, республикэм дэ­гъоу щашIэ. КIэрэщэ Аслъанбэч илъэс зэфэшъхьафхэм хэутыным ылъэныкъокIэ Iоф ышIагъ, партийнэ Iофми фэлэжьагъ, КПСС-м иобком исекретарыгъ, Адыгеим хэутын IофхэмкIэ, къэбар жъугъэмкIэ ыкIи общест­веннэ-политическэ прогнозированиемкIэ и Минис­терствэ ипэщагъ, Къэралыгъо телерадиокомпаниеу «Адыгеир» ыгъэпсыгъ, ащ илъэсыбэрэ ипэщагъ ыкIи шъолъыр телевидениер а лъэхъаным зэхащэгъагъ. Урысые къэралыгъо телерадиокомпанием ипащэ Къы­блэ Федеральнэ шъолъырымкIэ илIыкIоу КIэращэр щытыгъ. 2002-рэ илъэсым къыщыублагъэу къэралыгъом ителерадиокомпание анахь пэрытхэу лъэхъаным диштэхэрэм ащыщ ипащ. Илъэс 20-м къыкIоцI ар творческэ проект гъэшIэгъонхэр зыщыпхыращыхэрэ, технологическэ лъэкI ин зиIэхэм ащыщ хъугъэ, етIупщыгъэу зеушъомбгъу, хахъохэр ешIых.