Урысыем кощын IофхэмкIэ иотделэу Джэджэ районым щыIэм Лу­ганскэ Народнэ Республикэм щыщхэу Адыгеим псэупIэкIэ къэ­кIуа­гъэхэм УФ-м ипаспортхэр щаратыжьыгъэх.

Урысыем хэгъэгу кIоцI IофхэмкIэ и Министерствэ иотделэу Джэджэ районым щыIэм кощын IофхэмкIэ икъутамэ ипащэу Вадим Зориным паспортхэр аритыжьызэ къызэриIуагъэмкIэ, гъэкIэкIыгъэ шIыкIэм тетэу зэкIэми УФ-м игражданин зэрэхъугъэхэр къэзыушы­хьатырэ документхэр афа­гъэпсыгъэх.

Бэрэ зэжэгъэхэ паспортым имызакъоу, УФ-м и Кон­ституции къэкIожьыгъэ­хэм мэфэкI шIыкIэм тетэу аратыгъэх.

АР-м кощын IофхэмкIэ икъулыкъушIэхэм лъэшэу анаIэ къызэратетым фэшI Луганскэ Народнэ Респуб­ликэм къикIыжьыгъэхэм ярэ­зэныгъэ гущыIэхэр къаIуагъ. Ежь къулыкъушIэхэри мыщ фэдэ мэхьанэшхо зиIэ хъугъэ-шIагъэмкIэ хьакIэхэм афэ­гушIуагъэх ыкIи щыIэкIэшIу яIэнэу афэлъэIуагъэх.