ХэушъхьафыкIыгъэ дзэ операцием хэла­жьэхэрэм ясатырэ зэзэгъыныгъэкIэ къулыкъур къыхэзыхыгъабэ хэт. Дзэкъулы­къушIэ­хэм ыкIи ахэм яунагъохэм къэралыгъор IэпыIэгъу афэхъузэ, ахъщэ тын зэфэшъ­хьаф­хэр афигъэнэфагъ.

Адыгэ Республикэм и Мые­къопэ район щыщ Юрий Р. Мы илъэсым жъоныгъуакIэм зэзэгъыныгъэ шIыкIэм тетэу дзэ къулыкъур ыхьыным ар кIэт-­ хагъ. Урысые дзэкIолIхэм ясатырэ хэуцоныбэ ичIыгогъу­­хэм джыри къызэрахэкIыщтым кIэлэ ныбжьыкIэм ицыхьэ телъ.

— ЗэзэгъыныгъэкIэ къулы­къур хьыгъэным кIатхэхэрэм лъэбэкъоу ашIырэм лъэпсэ гъэ­нэфагъэхэр иIэх: ахъщэу къара­тырэри макIэп, Хэгъэгур къэу­хъумэгъэнри пшъэрылъ. Анахь шъхьаIэр угукIэ уфэхьазырын закъор арэп, физическэу зызэтебгъэпсыхьан фае, — игу­пшысэхэм тащегъэгъуазэ Юрий. — Уикъэралыгъо къа­дзыхьагъэу сыдэущтэу гупсэфэу ущысыщта? Пыир гъунэгъоу щыт. Урысыем игъунапкъэхэм къяохэу къызэрэхэкIырэр, мамыр цIыфхэм ящыIакIэ зэрэзэщагъакъорэр слъэгъоу сыщысын слъэкIыщтэп. Тигупсэхэмрэ ти­Iахьылхэмрэ щынагъом щытыухъумэнхэр ткIуачIэ къы­хьыщт.

ДзэкъулыкъушIэм иIофшIэн зэрифэшъуашэу ахъщэ къыкIэ­кIо: зэзэгъыныгъэм зэрэкIатхэ­рэм пае зэтыгъо федеральнэ ахъщэ тынэу сомэ мини 195-рэ ыкIи шъолъыр ахъщэу сомэ мини 150-рэ. Мазэ къэс лэ­жьапкIэр сомэ мин 205-рэ, водителым — сомэ мин 211-м, отделением икомандир — мин 232-м къащежьэ. Къулыкъум щашIырэ гъэхъагъэхэр къыдыхалъытэх.

Къыхэдгъэхъожьын къэралыгъо фондэу «Хэгъэгум иухъумакIохэр» зыфиIорэм ишъолъыр отделение иIофшIэн Адыгеим зэрэщыригъэжьагъэр. Ащ иIофышIэхэм хэушъхьафыкIыгъэ дзэ операцием хэлажьэхэрэм, иветеранхэм, хэкIодагъэхэм ыкIи ахэм яунагъохэм IэпыIэгъу арагъэгъоты. Фондым еуалIэ­хэрэм къазэрадеIэщтхэр: социальнэ лъэныкъомкIэ IэпыIэгъу пстэури, егъэджэгъэнхэр ыкIи икIэрыкIэу егъэджэжьыгъэнхэр, IофшIэн ягъэгъотыгъэныр, ахъщэ тынхэр афэгъэпсыгъэнхэр, медицинэ IэпыIэгъу зэфэшъхьаф­хэр афэгъэцэкIэгъэнхэр, IэзэпIэ-зыгъэпсэфыпIэхэм гъэкIо­гъэнхэр, нэмыкIхэри.

ЗэзэгъыныгъэкIэ къулыкъу хьыгъэным къыфэдгъэзэжьымэ, ащ кIон фитхэр илъэс 18 зыныбжьхэм къащегъэжьагъэу илъэс 65-м нэс. Шъхьадж зыщыпсэурэ чIыпIэм щыIэ дзэ ко­миссариатхэм защарагъэтхын алъэкIыщт.

Джащ фэдэу лъэIу тхылъыр номерэу 117-м, порталэу «Къэ­ралыгъо фэIо-фашIэхэр» зыфиIорэм е сайтэу службапоконтракту.рф. щатын алъэкIыщт. ЗэкIэ ахъщэ тынхэм ыкIи фэгъэкIотэнэу щыIэхэм япхыгъэ къэбарыр нахь игъэкIотыгъэу зэзыгъашIэ зышIоигъохэм а сайтым ыкIи телеграм-каналэу «Адыгея — Служу Родине» зыфиIорэм рагъотэщт.