«Роботхэм язау» зыфиIорэ дунэе зэнэкъокъум иапэрэ едзыгъо Адыгэ къэралыгъо ыкIи Пшызэ къэралыгъо университетхэр пхырыкIыгъэх, ащ пае ящыкIэгъэ баллхэр рагъэкъугъэх. Урысыем иапшъэрэ еджапIэхэм якоманди 170-мэ зянэкъокъухэм, ахэр апэрипшIымэ ахэфагъэх.

[caption id="attachment_135230" align="aligncenter" width="800"] АКъУ.[/caption]

«Роботхэм язао» зэнэкъокъу гъэшIэгъон, роботехникэм ылъэныкъокIэ дунэе площадкэр бгъэфедэн олъэкIы. Анахь технологие дэгъухэр дунаим къыщызыугупшысыгъэхэр зэIукIэщтых ыкIи яIэпэIэсэныгъэ къагъэлъэгъощт, сомэ миллионих хъурэ шIухьафтыным фэбэнэщтых. Къэралыгъуибгъоу хэлэжьэщтмэ заявки 190-рэ къатыгъ. Урысыем фэшъхьафэу зэнэкъокъум хэлэжьэщтых Вьетнам, Индием, Иран, Казахстан ыкIи Тыркуем ялIыкIохэр. Зэхэт командэм къыгъэлъагъорэм ыцIэр «Молот 0123». «Московскэ кредитнэ банкыр» ары спонсорэу командэм иIэр. Роботэу джырэ уахътэм конструктормэ зэнэкъо­къум фагъэхьазырырэм хъишъэу палъхьащтыр Кавказ итарихъ епхыгъэщт. Ахэм къызэраIотагъэмкIэ, Торэ иуатэу зэлъашIэрэм ехьыщырэу роботыр гъэпсы­гъэщт. КъызэраIожьырэмкIэ, а уатэм пае гъучI пцIыир Кавказ къушъхьэхэм къащычIахыгъагъ. Роботым цIэу фаусыгъэр – Лъэпшъ. Ар ыцIагъ адыгэ гъукIэу машIор ыгъэфедэзэ текIоныгъэ къыдэзыхырэ Iашэр зышIэшъущтыгъэм. Пшызэ къэралыгъо университетым илIыкIохэр роботым итеплъэ дэлажьэх, Адыгэ къэралыгъо университетым программэм Iоф щыдашIэ. Бэдзэогъу мазэм ыкIэхэм адэжь Москва апэрэ зэнэкъокъухэр щыкIощтых. Урысыем иправительствэ иунашъокIэ зэнэкъокъухэр гъэ къэс зэхащэщтых, ахэм яшIуагъэкIэ цифрэ технологиехэм хэхъоныгъэхэр арагъэшIыным щэгугъых.

Адыгэ къэралыгъо университетым ипресс-къулыкъу.