Сабыир — мылъку лъапI
АдыгэхэмкIэ сабыир тхьэкъэгъэшIыгъэ анахь мылъку лъапI, ащ унагъом насыпыр къырелъхьэ. Ар кIагъэтхъэу ыкIи зэхашIэу тиадыгэ усакIохэм ащыщыбэ ахэм афэусагъ
Пэнэшъу Хьазрэт
Тыгъэнэф
ЫцIэм фэдэр ышъхьэу
СэшIэ Темырлан,
Изытет орэдэу
Тэ шъуфызэхэтлъхьан.
Пытагъэр къыхэщэу
КIэлэцIыкIу лIыблан.
Инэплъэгъу нэгушIоу
УзкIэригъэхьан.
Пстэуми агъэшIагъоу
Ренэу IэпкIэ-лъапкI.
Янэ-ятэхэр щыгушIукIхэу
КIалэр дэхэ закI.
Iахьыли гъунэгъуи
Темырлан фэчэф.
Апсэ рагъэпшагъэу
РаIуагъ: «Тыгъэнэф».
УсакIоу ЛъэпцIэрышэ Исмахьилэ щэIэфэ Теуцожь районым ит къуаджэу Къунчыкъохьаблэ щыпсэугъ, щылэжьагъ, мэкъумэщышIэ лэжьэкIошхуагъ, ащ готэу ыгукIэ зымыгъэрэхьатырэ усэныр ыгъэцэкIагъ. УсакIом ыбзэ шъабэ, лъэш, иусэ сатырхэмкIэ лъэпкъ литературэр ыгъэбаигъ.
Лъабытый Лъабытый, тый, тый, Тэ утый, тый, тый, утый. Тэ утян, тэ утят, Тэ уихъяр къэтэIуат. Лъабыжъыер къызэкIэщ, УиджэгукIэ темызэщ. Тый, тый, лъабытый, Тэ утый, тый, тэ утый. ПIапэ тIыгъэу уетщэжьагъ, Илъэс псаум тыожагъ. ЧIыгу къопсыр умытIупщ, Ущтэу гъыным емытIупщ. * * * Лъабытыеу лъэгу шъаб, ЦIыкIужъыеу Iэбэ-лъаб. Гъэбэжъу ощхыр зищхы макъ, НасыпышIо охъу, сипакъ.