Адыгэ Республикэм ыубытырэ шъолъы­рым къэкIырэ лъэпкъ зэфэшъхьафэу мини 3-м нахьыбэ къыщалъытэ.

[caption id="attachment_135204" align="aligncenter" width="576"]  къэбарлъыгъэIэс амалхэр.[/caption]

Ахэр псыхъо, хыкъумэ, псыуцогъэ-хъо­тэ нэпкъхэм уапэ къащифэнхэ, ащыплъэгъунхэ плъэкIыщт: пшэсэныр, тхьаркъожъыр, къазщыр уцыр, нэмыкI­хэри. Iэзэгъу уцхэри тичIыгу къыщэкIых; куан­дэхэр бгыпэхэм, мэзжъыехэм бэу къащэкIых: пырэжъыер, хьамышхунтIэр, хьакъужъыр. Мыхэр Iэзэгъушхох. Ау сэ непэ анахь сыкъызщыуцущтыр зы чъыгышхо джад, ар адыгэ лъэпкъым анахь икIасэу, ыгъэшIорэ лъэпкъ.

[caption id="attachment_135205" align="aligncenter" width="578"]  къэбарлъыгъэIэс амалхэр.[/caption]

Чъыгаер

Шъэджашъ, илъэгагъэ метрэ 40-м кIахьэу къыхэкIы, кIышъо Iужъу тхыпхъэ- сыпхъэу иI, икъутэмэ бырабэхэм тхьапэхэр апизыбз, чъыгаем ычIэгъ унэм фэд. Мы чъыгыр бэгъа­шIэ, илъэс 2000 фэдизрэ щыIэн елъэкIы.

Чъыгаем ипхъэ пытэ, псэолъэшIыным игъэкIотыгъэу щагъэфедэ. Ипхъэ пытэми гъэтхъыгъошIу, унэ джэхэшъопхъэ паркетыр, пхъэчайхэр хашIыкIых. Чъыгаем ыкIышъуи шъотехыгъэр рагъэкъабзэ. Чъыгаем имышкIухэр бзыу зэфэшъхьафхэм — тхьаркъохэм, фазанхэм (мэзчэт шIэтхэм), мышъэхэм, мэзыкъо­хэм, шъыхьэхэм ашхы.

Ежь чъыгыр икIэлэгъуми, нахь ныбжь иIэ хъугъэми, жьаупIэ-тынчыпI, ухъумэпIэ чIыпIэу щыт.

НэкIубгъор зыгъэхьазырыгъэр Мамырыкъо Нуриет.