Урысыем иныбжьыкIэхэм я Мафэ тефэу Мыекъопэ къэзэкъ отделым иатаманэу Александр Даниловыр Адыгеим икъэзэкъ ныбжьыкIэхэм я Союз хэтхэм аIукIагъ.

Атаманыр къэзэкъ ныбжьыкIэхэм гущыIэгъу афэхъугъ, IофшIэнэу агъэцакIэрэмкIэ зэрафэразэр ариIуагъ, къэзэкъ обществэм иIофхэм чанэу ныб­жьыкIэхэр къызэрэхэлажьэ­хэрэр къыхигъэщыгъ. Охътэ благъэм Iофтхьэбзэ гъэшIэгъо­ным хэлэжьэнхэу зызэрагъэ­хьазырырэр, ар мэфищырэ рагъэкIокIыщт дзэ-шъоф зэха­хьэу зэрэщытыр, Адыгеим икъэзэкъ ныбжьыкIэхэр а Iофы­гъошIум зэрикIэщакIохэр Даниловым къ­ы­Iуагъ. Муниципалитетмэ ащыIэ къутамэмэ гумэкIыгъоу яIэхэр зыфэдэхэр Александр Даниловым зэри­гъэшIагъэх, ахэр дэгъэзыжьыгъэнхэм фэшI атаманхэр, къэзэкъ нахьыжъхэр яIоф­хэм ащагъэгъозэнхэу къафигъэ­пы­тагъ. Пшызэ къэзэкъыдзэм хэхьэрэ Мыекъопэ къэзэкъ отделым къыхигъэщыгъэ къэзэкъ чанхэу, патриотическэ гъэсэныгъэм ылъэныкъокIэ щытхъур къэзылэжьыгъэхэм ацIэхэр Даниловым къыIуагъэх, щытхъу тхылъхэр аритыжьыгъэх.

Адыгэ шъолъыр кIэлэцIыкIу-ныбжьыкIэ общественнэ движениеу «Адыгеим икъэзэкъ ныбжьыкIэмэ я Союз» зыфи­Iорэм хэхъоныгъэхэр егъэшIыгъэнхэм зиIахь хэзышIыхьагъэ­хэр организацием ипащэу Екатерина Загорулько джащ фэдэу къыхигъэщыгъэх.

Ащ фэшъхьафэу, Пушкиным илъэпкъ Унэу Мыекъуапэ дэтым Адыгэ Республикэм иныбжьыкIэ чанхэр щагъэшIуагъэх.

Ахэм ахэфагъэх Адыгеим икъэзэкъ ныбжьыкIэмэ я Союз хэтхэу Максим Кубиковыр (Мыекъопэ район), Матвей Бибиковыр (Кощхьэблэ район), Вадим Хрулевыр (Красногвардейскэ район) ыкIи

Александр Роговыр.