Гъэмэфэ зыгъэпсэфыгъо мафэхэр кIэлэцIыкIухэмкIэ мэфэ шIагъох, тхъагъох, сабый гушIогъо нэгухэмкIэ гъэкIэрэкIагъэх. Мы уахътэм гъэмэфэ еджэпIэ лагерьхэм кIэлэцIыкIухэр бэу ащыIэх.

[caption id="attachment_135189" align="aligncenter" width="800"] Мыекъопэ къэзэкъ отделыр.[/caption]

Лагерьхэм япащэхэм зэрэрагъэблэгъагъэхэм тетэу, Адыгеим икъэзэкъ ныбжьыкIэхэм я Союз илIыкIохэр ахэм ахэхьэх, яIофшIэн щылъагъэкIуатэ, Пшызэ къэзэкъмэ якультурэ, ятарихъ ыкIи яшэн-хабзэхэм кIэлэцIыкIухэр ащагъэгъуазэх.

Мыекъопэ гурыт еджапIэмэ якIэлэ­еджакIомэ апае гъэсэныгъэ-джэгукIэ зэфэшъхьафхэр зыхэхьэрэ Iофтхьабзэхэр рагъэкIокIыгъэх. ШIоигъоныгъэ зиIэхэр къэ­зэкъ джэгукIэхэм ахэлэжьагъэх, кIуачIэкIэ, къулайныгъэкIэ зэнэкъо­къугъэх, къэзэкъмэ яшъуашэмэ защагъэгъозагъ, ащ къыкIэлъыкIоу апэрэ медицинэ IэпыIэгъу зэрябгъэкIыщтыр, дзэкIолI уIагъэр чIыпIэм къызэрипщыжьыщтым зафагъэсагъ.

Къэзэкъ ныбжьыкIэмэ аIукIэгъэ кIэлэеджакIохэм зэIукIэм федэ къыхахыгъ, бэ зэрагъэшIагъэр, сурэтхэри зытырахыжьыгъэх.

Адыгеим икъэзэкъ ныбжьыкIэхэм я Союз итхьаматэу Екатерина Загорулько блокнотхэр шIухьафтынэу сабыймэ аритыгъэх.

— Тэ Урысые Хэгъэгушхом тырикIэлэцIыкIух. Лъэшэу сыкъышъолъэIу, синыбджэгъу цIыкIухэр, сыдигъокIи шъуIэхэр зэфэшъущэих, шъузэдеIэжь, лъытэныгъэ зэфэшъушI! Зы урысые унэгъошхоу тызыщыткIэ, тхьамыкIагъуи, пыйи тэ тыкъагъэщтэщтэп!

 Екатерина Загорулько.