Электричествэр цIыфхэм аIэкIэзыгъэхьэрэ хъызмэтшIапIэу «ТНС энерго Кубань» зыфиIорэм иIофышIэхэр фэтэрыбэу зэхэт унэхэм яIофхэм афэгъэзагъэхэм, джырэблагъэ аIукIэгъагъэх. ЗытегущыIагъэхэр цIыфхэм электричествэу агъэфедагъэр зыфэдизыр игъом компанием IэкIэгъэхьэгъэныр ары.

[caption id="attachment_134841" align="aligncenter" width="800"] ТНС энерго Кубань[/caption]

Электроэнергиер къэзытыхэрэмрэ ар зыгъэфедэхэрэмрэ зэгурыIохэу зэдэлэжьэнхэм мэхьанэ иI. Арышъ, мы лъэныкъомкIэ анахь шъхьаIэу унаIэ зытетын фаехэм, компанием Iоф дэпшIэныр къэзыгъэпсынкIэрэ пэIудзыгъэ шIыкIэу щыIэхэм афэгъэ­хьыгъэ егъэджэнхэм сыдигъокIи шIуагъэ къаты. Ащ фэдэ Iофтхьабзэхэр фэтэрыбэу зэхэт унэхэм яIофхэм афэгъэзагъэхэм зэрадызэхащагъэхэм имызакъоу, шапхъэу щыIэхэр агу къагъэкIыжьыгъэх. Электроэнергиеу агъэфедагъэр мазэ къэс и 23 — 25-м компанием IэкIэгъэхьэгъэн, ащ ыпкIэ и 10-м шIомыкIэу цIыфхэм атын фае.

— ХъызмэтшIапIэу электричествэр аIэкIэзыгъа­хьэрэмрэ цIыфэу ар зыгъэфедэхэрэмрэ шъоры зэзыпхыхэрэр. Фэтэрыбэу зэхэт унэхэм анахь чанэу ачIэсхэр ары «старшэу» агъэнафэхэрэр. Ащ имыза­къоу, ахэм псэупIэ-коммунальнэ хъызмэтым иIофхэм хэшIыкIышхо афыряI. «Старшэхэми», псэупIэр зиехэм агъэпсыгъэ товариществэхэм (ТСЖ) япащэхэми Iофэу къыддашIэрэм пае тафэраз, — къыIуагъ «ТНС энерго Кубань» зыфиIорэм ипащэ игуадзэу Артем Зарва.

ЗэIукIэгъухэм ауж тапэкIэ пэIудзыгъэ шIыкIэм тетэу зэпхыныгъэ зэдыряIэнэу лъэныкъуитIум зэзэгъыныгъэ зэдашIыгъ, ау ащ пае къэмынэу мыщ фэдэ Iофтхьабзэхэри компанием джыри зэхищэщтых.

«ТНС энерго Кубань» зыфиIорэм ипресс-къулыкъу.